JUNIPER EDITORIAL: 22 February 2015: VOL XIX ISSUE NO: 8

Thuziak tura insawmna

    Aw ka thu chhuak chuan min hneh viauin lang thin mahse, aw a chhuah rual rualin a thamral leh mai thin a. Chutihlaiin Thuziak erawh chuan kum tam tak mai nilovin dam chhung mai bakah thih hnu thlenga kan awm tawh loh hnu thlengin a daih thung a ni!
    Chanchin Tha hril tur chuan Thuziak kan mamawh hmasaber a. Chu Thuziak-a chu kan Nunna Bu ‘Pathian Lehkhabu Thianghlim’ hi a ni ti ila kan sawi sual tam lovang. Kan hma a mi thianghlim kaltate vawiin ni thlenga an chanchin kan chhiar theihna chhan pawh Thuziak vang a ni a. Kan zingah tel ve lovin an hmel leh an aw-ka te hre lo mah ila an Thuziak  chuan kan thinlung chhung ril ber thlengin a fangchhuak thin a. Chutah chuan Pathian Thlarauvah hlimna leh lawmnate kan lo chan ve phah thei ta thin a ni.
    Krista chu Kohhran Lu anih avangin awm hrang thei a ni lova, a inzawm tlat angai ang bawk hian Kohhran tinung tur chuan Pathian thu aw-kaa kan sawi chhuah mai bakah Thu Ziaka kan dahthat a tul ve bawk thin a ni. Thuziak chuan kan thinlung chhunga kan vei leh tha ni-a kan hriatte sawi chhuahna hun tha min siam a, midangte hnena kan sawichhuah theihloh leh kan sawichhuah ngamlohte tarlanna hun tha min siam thin a. Chuvangin Pathian Kohhrante kan chak lehzual zel theihna turin Thuziak lamah tan ila sauh sauh ang u.
    Kan Kohhran kan lo hmasawn a, rinna kawngah chak thar lehzualna kan neih zel theihna turin Kohhran member tinte ziak mi tha tak takte, kan tualchhung chanchinbu-ah hian in thuziakte (Article) lo thehlut turin kan insawm thar leh bawk a ni. He khawvelah hian lo awm tawhlo pawh nila i Thuziak erawh chu a awm reng ang.

Editorial Juniper 31 May 2015

JUNIPER EDITORIAL

Naupangte hian zirtirna tha dawn hi an mamawh em em a, kan zirtirna pek kawngah pawh hian fimkhur a ngai hle mai. Nakin lawka kan ram leh kohhran hruaitu turte an nih avang hian keini puitlingte hian kan zirtirna pek kawngah hian kan uluk hle a ngai. “Naupang chu a kalna awm kawngah chuan zirtir ula, a upat hun pawhin a thlah lovang” tih Bible-a kan hmuh ang hian an chet dan phung, an hawiher leh mizia thleng hian kawngdik kan kawhhmuh a tul hle mai. Naupang rilru hi a thianghlim hle mai a,  lehkhaphek var tak ang a ni a, chu lehkha phek var thianghlim takah chuan puitlingte hi a ziak tu turte chu kan ni. Chuvangin chawl lova kawngdik kan hrilh mawlh mawlh a ngai a ni. 

    Naupang than lenna zel turah leh kaihhruai danah chhungkuaa inzirtirna tha dawn hi rahbi hmasa ber a ni a, chhungkaw tinte hian mahni fate leh naupang theuh enkawlna hna hi nu leh pate hian mawhphurhna lian tak kan nei theuh a, chuvangin nu leh pa ten tan ila zel ang u.

    Tin,  kohhran anga kan  nun ho naah hian kan fimkhur a ngai hle mai. Kan tawngkam hman danahte ,kan BIak-in nungchangte, kan thusawi leh awmdanah te hian entawntlaka kan awm hram hram hi a pawimawh hle mai. BIakin-a kan kal dawnte hian Bible leh Hla bu ken nachangte hi hria ila, hla hriltu kuta kan han innghat ringawt mai te hi chu a zia lo lam a ni. Tin, thalai thenkhat ten inkhawmlaia mobile phone kheuh neuh neuh an chingte hi sim atan a tha hle mai. Chuvangin,kan nun dan zawng zawngte hi naupangte rawn zawh tur a ni tih kan hriat a, kawng engkimah kan fimkhur theuh hi puiltling zawkte mawhphurhna a ni tih hi i hrethar theuh ang u.

*****************************

Connection I Nei Tha Em? - Jacky Lalruatmawia (Juniper Article 31 May 2015)

JUNIPER ARTICLE

CONNECTION I NEI THA EM?

Jacky Lalruatmawia

    Tunlai khawvel chankannain a ken tel Internet Connection hmangin Pathian Thu rawn chhawp chhuah ka tum dawn a ni. Thalaite leh nu leh pa thenkhatte chuan kan hria in a rinawm a, he thuziak hi a bikin thalaite tan erawh chuan hriatthiam awl tak anih ngei ka beisei. Broad-Band Internet Connection nei tur chuan Modem kan mamawh hmasa phawt a, Computer kan neih angai leh ta bawk a. Computer neiin Internet Connection nei ta ringawt ta ila, engmah kan la ti thei chuang lova, khawvel tukverh-a dak lut tur chuan Web Browser kan mamawh leh ta a. Tin, chu Web Browser hmang chuan kan duh duh kan thlirin kan ti thei dawn tihna alo ni. Movies/Games/Software,etc download kan duh thin a, hemi atan hian Torrent site-te leh site dang dangte atangin a download theih a. Browser ringawt hmanga kan download chuan a speed a hniam a, a chaklo thin hle a ni. Chumi harsatna su kiang tur chuan Download Manager a awm ve leh ta a, Internet Download Manager (IDM) hi entirnan lo hmang ta ila. Tin, Software/Games Crack version (full version) kan duh chuan Torrent site atangin awlsam tein a thlawnin a download leh theih bawk a, amaherawhchu torrent site ami download tur hi chuan Torrent Downloader kan neih alo ngai leh ta bawk a ni.

Connection & Fees = inpekna nun
Connection chi hrang hrang neih kan duh chuan pawisa chawi a awm ziah thin a, chutiang zelin Broadband internet connection-ah pawh hian pawisa sen angai a. Fee tha taka kan pek loh chuan an lo disconnect mai dawn a ni. Chutiang chiah chuan Lal Isua nena inkungkaihna (connection) tha tak kan neih theihna tur chuan mahni insen ralna nun neih angai a. Kan tha leh zung kan sum leh paite Lalpa tan ui lova kan hlan fo thin hi a tul hle dawn a ni. Sawmapakhat hi Lalpa chanpual anih ang ngeiin kan hmaih hauh loh tur a ni a, tin Lal ram alo zauh zel theihna turin Ramthim pual leh thil dang danga Kohhran hmasawnna kawnga kan sen ralna zawng zawngte hi a thlawn mai lo a ni tih hria ila. Lalpa nena inlaichinna tha tak min siamsaktu, Vana ro kan khawlkhawmna a ni tih hre rengin, thahnemngaih kan chhuah deuh deuh a tul hle dawn a ni.

Modem= BIBLE
Modem tih thumal hi Modulator-Demodulator tih tawngkam lam tawi a ni mai a.  Modem hi chi hrang hrang a awm a, tunah erawh hi chuan Broadband Modem chungchang kan sawi deuh  bik dawn a ni. Modem chuan telephone line atanga Analog Signal lo kal chu lo siam remin Computer-ah kan hmuh theih turin Digital Form in alo siam chhuak a, chutichuan internet connection tha takte neiin kan lo khawih theih phah ta a ni. Hetiang bawk hian, Pathian nen a in kungkaihna (Connection) tha kan neih theihna tur chuan Modem kan mamawh ta a, chu modem chu Bible hi a ni a. Chu Bible ah chuan kan tana tha tur tamtak, kan mamawh engkim awmna leh mi thianghlim kaltate chanchin ziak chu chhiar theihin a awm a. Ahmasaberah chuan Pathian nena Connection tha kan neih theihna tur chuan Bible kan neih hmasak phawt chu alo ngai ta a. Chu Bible chu nei ringawt si ila, kan chhiar ngailoh erawh chuan a nihna leh a tangkaina angin kan hmang pha dawn chuanglova. A tangkaina ang tak pawchhuak thei tur chuan taima taka kan chhiar thin a ngaih mai bakah Pathian thupekte kan zawm angai dawn a ni. Chutah tak chuan Pathian duhzawng leh a thu-te chu ilo hrefiah thei ang.

Web Browser = Tawngtaina
Internet connection chu kan nei ta a, a chhunga thil awmte hmu a hmang tangkai thei tur chuan Web Browser kan mamawh leh ta a. Chu Web Browser hmang chuan kan duh apiangte chu kan thlir thei ta a ni. Chutiang zelin Lal Isua nen kan inkar connection a that theihna tura tangkai leh ta chu Tawngtaina hi alo ni leh ta a. Internet-a lut a hmang tangkai tur chuan Web Browser kan mamawh ang bawk hian, Lal Isua chu keimahni-ah alo nung a, a tana mi tangkai kan lo nih ve theihna tur chuan Tawngtaina kan mamawh leh ta a ni. Tawngtaina chuan Bible-a a Thu Thianghlim kan chhiarte chu chiang leh fiah zawkin a hrilhfiahna min pe anga, kan thlarau nun nasa takin a chawm anga, Lal Isua nen kan inkungkaihna chu a tinghet zual deuh deuh dawn a ni. Tin, internet kan khawihin Browser hmanga kan duh apiang kan zawng (Search) thin ang hian, Tawngtaina chuan Lal Isua hnenah kan duh leh mamawhte thlen theihna min siamsak a, kan chaklohna laite a hnena kan thlen theihna awmchhun a ni a. Amah nena inkungkaihna tha tak kan siam theihna tura hmanraw tangkai tak pakhat alo ni leh ta a ni.

Download Manager = Thlarau Thianghlim
Sawi tawh ang khan Browser atang ringawt a download chuan a speed a muang em em a. Tam tak chuan Download Manager an neih thin loh avangin internet a thil awmte rang tak leh awlsam takin an download thei ta thin lo a ni. Lal Isua hi nunphung pangngai tak leh inti polite taka kan biak chuan kan thlarau nun a chaklo hle thin a, kan hul dup mai thin a ni! Thlarau Thianghlim pawlna tello chuan tanna hunte leh Thuhriltu hun hmante hi a huphurhawm hle thin a. Chumai bakah a Biak Buk pan chaknate pawh kan tlachham hle thin a ni. Chutiang anih avang chuan kan rinna kawngah leh thil tha tihna kawngah chakna kan neih theihna tur chuan Thlarau Thianghlim kan chan hi a pawimawh hle a ni tih alang chiang hle awm e. Ringtute tan chuan Thlarau Thianghlim hi Lalpa hnen ata thilpek leh chak lehzualnate kan neih theihna tura kan Download Manager tangkai tak a ni! Torrent site a thil awmte hi torrent downloader kan neih loh chuan a download theih reng reng lova. Chutiang zelin Lalpa Thuthlung Ropuitak mai hi, Thuthlung vuantute chauhin kan hmuin kan hrethei a. Hnamdang/Kohhran dang erawh chuan Thuthlung vuantu an nih miau loh avangin an hrethiam pha ve reng reng lo a ni. Torrent Downloader (Thuthlung) an hmu a, an chang ve anih ngawt loh chuan hriatthiam phak rual a ni lo!

************************

JUNIPER ISSUE NO. 22 ; 31st MAY, 2015

LOCAL THIANGHLIMNA COMMITTEE

DIN A NI

District Hruaituten Bial leh Local tinah Thianghlimna Committee din tura a ngen anginBethlehem Kohhran ah pawh Local Church Board Committee chuan Thianghlimna Committee chu a din fel ta a. Office Bearers leh Committee member pawh a ruat fel nghal a ni.

    Chairman    :     Evan Lalramthara
    Secretary    :    Bro. R. Lalrokima
    Treasurer    :     Bro. K. Lalfamkima   

Committee Members:
    1) Bro. C. Lalthanga
    2) Bro. F. Zaihmingthanga
    3) Bro. K. Liansanga
    4) Bro. Sangkhuma
    5) Bro. Zonunsanga
    6) Bro. Lalnunmawia
    7) Bro. C. Lalnunfela

    Thianhlimna Committee meeting hmasaber chu vawiin Pathianni Dt. 31 May 2015, Chawhnu inkhawm ban hian Biakin Committee Room-ah neih a ni ang.

*****************************

BIAKIN SAK TANPUINA KHAWN DAWN

Zanin Pathianni inkhawm programme ah hian Bazar Bial a, Ramthar Veng Kohhran Biakin sak tanpuina tur khawn a ni dawn a, hemi hunah hian Bazar Bial atangin campaign turin an rawn kal dawn a ni. Kohhran mipuite Biakinsak tanpui na tur hian theihtawp chhuah tlang turin kan insawm a ni.

*******************************

DISTRICT EDUCATION COMMITTEE AIAWHIN KAL DAWN

Bethlehem Local PYD Member chhuanawm tak tak Bro. C. Lalrammawia, Bro. Dr. R. Lalfakzuala, Bro. Oliver Lalthlengliana leh Bro. Lalrinchhana Zote te chu Dt. 14 June 2015 hian Thingsulthliah Bialah Education Awareness Campaign neiin an kal dawn a, Bro. C. Lalrammawia leh Bro Lalrinchhan Zote ten thusawina hun an hmang dawn a ni.

*******************************

LALLIANA GROUP NEWS

*Lalliana Group PYD chuan kar kalta 26 May 2015, Thawhlehni zan khan Pickle zuarin an hnatlang a, hnatlanga thawkchhuak member-te leh lo dawrtu zawng zawngte chungah lawmthu an sawi a ni.

*Kar Kalta Zirtawpni, ni 29 May khan sun tuak nan lehkha chhia an hralh a, lehkha chhia lo khawl sak tu zawng zawngte chungah lawmthu an sawi a ni.

***********************************

LOCAL PYD KUMPUAN
SUB-COMMITTEE NEWS

* Tun thla June 2 emaw ni  4-ah emaw hian Bethlehem PYD Kumpuan Sub-Committee  chuan Meeting pawimawh tak neih tur a ni a,  hetah hian District atanga lehkha lo lut chungchang leh hmachhawp neih sa te bawhzui dan tur rel a ni ang. A hun chiang zawk chu Naktuk Dt. 1 June 2015, Thawhtan zan inkhawmah puan a ni ang. Committee member zawng zawngte hun awl lo insiam theuh turin hruaituten min ngen a ni.

* Kumpuan Sub-Committee pual hian kar kalta Thawhtanni zan, May 25 khan inkhawm  neih a ni a, inkhawm boruak a tha in chanvo nei tura ruat zawng zawngte inbuatsaihna pawh a tha in, hun an hmang tha hle mai a, hemi zana inkhawmte chuan hlawkthlak an ti hle. Hemi zana thawhlawm hi kumpuan puala  dah a nih avangin kumpuan hruaitute chu Local PYD hruaitute chungah an lawm hle.

*********************************

BIAL THIANGHLIMNA COMMITTEE BUATSAIHIN SEMINAR NEI DAWN

June ni 20 hian Bial Thianghlimna Committee chuan Bethlehem Biakin-ah Thianghlimna chungchang Seminar pawimawh tak a buatsaih dawn a, he hunah hian Resource Person atan Dr. Jane R. Ralte, Nodal Officer MSTCS, Lalremruata, MSTCS leh Rev. PC Lalnghakliana, Superintendent, Aizawl East District te sawm an ni ang.

*********************************

BIAL THIANGHLIMNA CCOMMITEE IN

CAMPAIGN NEI DAWN

Bethlehem Bial Thianghlimna Committee chuan zanin hian Hermon ah thianghlimna Campaigne an nei dawn a, hemi hunah hian Bro. Lalfelkima’n hun a hmang ang.

*********************************

TAWNGTAIPUI ANG U

Local LAD Secretary Sis. K. Lalchhanchhuahi chu Pumpui Ulcer avangin New Life Hospital-ah Dt. 28 May 2015, zingkar khan hlawhtling takin zai a ni a, amah hi ngaihtuahawm a nilo a,  in lamah an inenkawl chhunzawm a ni. Kohhran mipuite’n kan tawngtaina ah i hre reng ang u.

*********************************

  

AIZAWL ESAT DISTRICT NEWS

  * Bial Joint Revival hlim takin hmang: Champhai Bial, Champhai Bethel Bial, Hnahlan Bial leh Khawbung Bial te chuan Dt 22-24 hmang khan Bial 4 Joint Revival hlim takin an hmang. He hunah hian Bialtu Pastor te bakah Rev R.Lalthanzuala te hnen atang Pathian thusawi ngaihthlak thin a ni.
    * OTS Registration Day : District-in Pathian thu zirna a kalpui mek Oneness Theological Seminary chuan June 1, Thawhtanni Dar 11 hian District Conference Hall-ah Registration Day an hmang dawn. He hunah Thusawi Rev R.Lalhawia, District Secretary leh Rev. K.Darsailova te hnen a\angin zirlaite fuihna thu leh OTS pawimawhna chungchang ngaihthlak a ni ang. He hun hmang tur hian Kum 2015 Session-a OTS zir tur zawng zawng te chu kal vek tura beisei an ni.
    * District Literature & Publication Board :May 26, Thawhlehni khan District Secretary Room-ah District Literature & Publication Board Committee neih a ni a, Kum 2016 Nilai zan Thupui zirtur leh ziaktu tur ngaihtuah a ni a, Kum 2016-ah chuan Nilai zan Thupui bu hming hranpa awm lovin Nilai Zan thupui tih mai ni se, tlawmngaia lo ziak turin Rev. C.Vala, ruat a ni bawk. He Committee-ah hian thil tul leh pawimawh hrang hrang sawi hona neih a ni bawk.
    *Mi thar: Nopa Bial chuan Pathian malsawmna dawng mekin Thlarau dawngthar 25 awmin Baptisma changthar mi 12 an awm tawh a, Mithar 8 sengluh anni bawk. Kawlbem Kohhran-ah Bial S.S hruaitute leh Bialtu Pastor T.Lalbiakliana te chuan District S.S rorel bawhzuiin lang Camp cum Seminar neih a ni tawh a. He Seminarah hian mi 15 in Thlarau dawngtharin mi 12 in Isua hmingin Baptisma an chang thar bawk a ni. Ngopa Kohhran-ah mi 8  lawmluh thar an ni tawh bawk.

*********************************

Juniper Editorial Dt. 17 May 2015

 JUNIPER EDITORIAL

Thlarau nazawng...

    Kan Pathian thu ah hian Thlarau nazawng a awm thu leh zirtirna dik lo a awm tih thu chiang tak in kan hmu a. Chuvang chuan zirtirna diklo leh Thlarau nazawng ni awm hi enge kan ngaihtuah a ngai. Chutih rual erawh chuan thlarau dik leh diklo kan tehna tur chu ngun taka kan ngaihven a ngai, mahni rindan dan a lo sawi ve ngawt chi chu a ni hauh lo ang.
   
    Zirtirna diklo pawh a awm ngei a, Tirhkoh Paula te ngei pawh khan Vana Vantirhkoh te ngei pawh in zirtirna dang Pentecost ni a kohhrante tih dan nilo kha chu rawn hrilh che u pawh nise lo awih suh u a tih kha. Tunlaiah kohhran thenkhatte an hlim in an bei nasa khawp mai. Lalpa hi Isua a ni tih ringlo te leh awih lo tute chu eng thlarau pawh nise awih loh a, rin loh nachang te pawh kohhran te hian kan hriat a tul khawp mai. Thlarau nazawng hre tur leh zirtirna diklo hre tur in thuthlung fate pawh kan inbuatsaih a, kan insiamthar a ngai. Anih loh chuan kan rinna te a lo derthawng in kan lo buai mai ang tih a hlauhawm tak meuh meuh a ni.
   
    Engpawhnise, sawisel mai lova kan theih ang ang a Pathian thu dik leh thlarau dik tak hrilh hriat hi kan mawhphurhna a ni tih kan hriat a ngai tak meuh meuh. Kan Pathian hi  a thuthlungah lo chuan a lo kal dawn lova, a fa ni lo chuan a Vanram an luah thei dawn lo tih hi kohhran ho te hian kan vawn tlat a ngai a ni. Pathian hnenah tawngtai chunga kan rinna kan sawh ngheh sauh sauh a pawimawh e.

Juniper Article Dt. 17 May 2015

JUNIPER ARTICLE

 

 

RINGTU TAWNGKAM

                                            By Arina Zote

    Pharisai ten uirenu denhlum tuma Isua hnena an rawn hruaia, a ngaihdan an zawh khan, kan Lal Isua khan tawngkam ngeiawm leh mei nei, tullo pui pui lo chhak chhuak duah lovin,” Sualna neilo apiangin deng hmasa rawhse”, damdiai leh awmzia nei takin alo ti mai a, a bak a sawi duah lo. Chu tawngkam avang chuan uirenu in thihna pumpelhin ngaihdamna a chang a, mifel famkima inhriaten sualna nei an nih zia an lo hriat chhuah phah bawk a ni.

    Inodui pahnihna a nasat zualpui lai, German Air Force thlawhna rualin, zing chhun zan zawm, chhumlo chat lova England ram an han bomb mup mup mai kha zawng a rapthlakin British mipui te kha an thlaphang tak zet zet a. Amaerawhchu, khatih hunlaia British Prime MInister rothap leh huaisen, Winston Churchill-a khan radio kal tlangin mipuite thu a chah a, a thusawi tawi fel, tawngtui tam duah lova tawngkam amzia neii taka, “ Khawmualah te, tuipuiah leh van boruak sangahte pawh beiin kan tang zel ang, kan tlawm dawn lo’’ a tih khan British sipai leh mipuite ah chona leh phurna thar a pe a. “ Battle of Britain” ah khan ropui takin hnehna an chang nghe nghe anih kha. Khami tuma Winston Churchill-a thusawi kha Khawvel History a thusawi ropui berte zinga mi a ni nghe nghe.

    Keini kristian, ringtu intite hian kan tawngkam chhuak hi kan uluk in mite mitmei kan veng thin em? Mite chuan Khawvel History nghawr danglam dawt thei khawpa mite rilru hneh thei tawngkam tangkai leh hmantlak an chhak chhuak thin asin. Kan tawngkam ve hian enge a rah chhuah, mite beidawnna leh rilru natna mai em ni a rah chhuah aw? Nitin kan in en leta kan inchhut nawn fo ava pawimawh em. Kolossa 4:6 ah chuan, “ Mitin engtia chhan theuh tur nge ni tih in hriat theih nan in tawngka chhuak chu, chi a al, khawngaihna tel ni fo rawhse” tih ziak kan hmu. Ringtu tawngkam ni awma mawi hi a awm a ni tih kan hriat a tha. “ Kei chu ka tawng liam puat puat a, ka thusawi hi ka hre rei lem hlei lova”, tihte kan chhinga, a lo dawngsawngtu khan a lo hriat reng a, a rilru tinatu a lo nih reng si chuan a zia lo viau ang le.

    Kan tawngkam chhuakte hi mitena Biakin hnaih leh pan an chak loh phahna chhante alo ni ru reng em? Mite tina a, beidawng leh intihhlum duh hial khawp rilru neih tirtu alo ni reng em? Nupa inngeih leh inthlahlel em emte inthen tirtu alo ni reng thei em? Pulpit leh Maicham atanga kan thu chhah chhuahte hi mitena Biakin leh Kohhran lak atanga tihtauh leh inkiltawih phah nana an hmanna chhante alo ni ru reng em? Kan tawngkam chhuak hi nula leh tlangval in hmangaih em em, kumkhua a nupa a insaim mai tawh turte in iai tira, in thentirtu alo ni thei reng em?  Nu leh pa ten kan fate tibeidawng zawngin tawngkam kan chhak chhuak fo em? Kohhran upa ni chung si in kan tawngkam mei nei tak tak avangte in kan faten mahni in chhuahsan duhna rilru an pu rum rum thin em? Tin, faten min hringtu, kan lei Pathian hmuh theih, kan nu leh pate rilru tina zawngin tawngkam kan cheh thin em? Thlarauva hlimna lo chan thar ve tak avanga an thahnem ngaihna duh khawp lovin a thim a var pawh thlulo leh hrehawm tamtak tuara Kohhran lo khai dingtu Pastor leh Upate sel zawngin tawngkam kan chhak chhuak fo thin em? Heng zawng zawng hi nitin i chhut nawn fo thin ang u. Jacoba 3-8 ah, “ Amaherawhchu, lei hi tuman an khawih ngam thei lo a ni; thihna hlawma khat, sual awm hle hle theilo a ni,” tih ziak kan hmu. Ringtuten kan lei kan ven that a, kan tawngkam chhuak chu chi a al, khawngaihna tel a ni tur a ni tih hi kan hriat nawn fo ava pawimawh tak em.
Lalpan malsawm rawh se.

JUNIPER: 17 TH MAY, 2015 VOL. XIX, ISSUE NO. 20 ;

 BIAL 5 JOINT REVIVAL HMAN MEK A NI

Tunkar inrinni Dt. 15 May 2015 zan atang khan  Bial Nga Joint Revival chu Bawngkawng Bial Kohhran Biakin-ah hman tan a ni a, Zanin Dt. 17 May 2015 Pathianni zan hian a tiak ang.. He Revival programme-ah hian Bawngkawn Bial, Upper Republic Bial, Salem Veng Mualpui Bial, Bethlehem Bial leh Bazar Bial te an tal anga a, Rev. Lalrema District Revival Committee Chairman chuan  hawngin Upa C. Taisena Bethlehem chuan tawngtainain Joint Revival hi a khar dawn a ni. Kum 2016 bial nga Joint Revival chu Mualpui Salem Veng bialah nghah a ni ang.

    Bethlehem Bial atang pawhin bus hman a ni dawn a, Joint Revival a kal tur zawng zawngte chu Sihlui ah dar 9 a.m ah kim vek tur a ni. Zan lam ah pawh Bus hi a awm dawn bawk a ni.

PROGRAMME
        PATHIANNI CHAWHMA
Chairman    :    Rev. Ramthapara Bethlehem Bial
Zaipawl    :    Bazar Bial PYD
Thsawitu    :    Rev. F. Lalchhanhima, Mualpui Salem
Thawhlawm    :    A thlengtu pual

        PATHIANNI CHAWHNU
Chairman    :    Rev. Lalrema, Upper Republic   
Zaipawl    :    Bethlehem Bial Zaipawl
Thusawitu    :    Rev. R. Lalhawia Dist. Secy.
Thawhlawm    :    A thengtu pual

        PATHIANNI ZAN
Chairman    :    Rev. C. Lalzuiliana Bazar
Zaipawl    :    Bawngkawn Bial
Thusawitu    :    Rev. V.L. Dika Sailo Gen. Supdt.
Thawhlawm    :    Revival Pual

        INKHAWM TAN HUN
Pathianni Chawhma    :    Dar 10 a.m.
Pathianni Chawhnu     :    Dar 1:30 p.m.
Pathianni Zan         :    Dar 7 p.m.

*********************

GENERAL HEADQUARTERS OFFICE HAWN A NI TA   

North East India UPC ten kan hmunpui General Headquarters Office chu May 15, Zirtawpni chawhma Dar 11:00 a.m khan hawn a ni.
   
Hawnna inkhawm buatsaih hi Rev. Lalmalsawma Sailo, Planning Board Chairman-chuan a kaihruai a, Rev. PC. Lalnghakliana, Planning Board Secretary chuan hunserh hmangin, Rev. VL Dika Sailo, General Superintendent chuan Pathian malsawmna ropui tak a ni tiin he office hi a hawng. Technical Report Rev. R. Lalrinsanga, Planning Board Treasurer -in a pe a, a hmun lei nan cheng nuai sawmruk pali, (Rs.64,00,000) sen a ni a, Vawiin thlenga a sakna senso atan cheng Nuai zahnih sawmkua pathum, singhnih sangkua zathum sawmthum pathum (Rs. 2,93,29,333.00/-) vel hman a ni tawh.  General Choir leh North Mizoram District Choir ten fakna hla an sa bawk.

    North East India UPC hnuaia District 11 Superintendent theuhte bakah Rev. R. Laichhingpuia General Sunday School Director, Colnel Z.S Zuala, Bialtu MLA leh Pu CT. Zakhuma, AMC Chairman, Rev. JH Zahluna- Editor,  ten thu an sawi a. Rev. Zohmingthanzama, General Missions Director-in lawmthu sawina neiin tlai dar 3:30 pm ah lawmna ruai tuihnai tak kil ho a ni.

    UPC General Headquarters office hi Shillong-a awm thin a ni a, kum 2004 August thlaah Aizawlah sawn chhoh a ni. Kum 2010 April 16 ah Rev. Bruce A. Howell, General Director of Foreign Missions, UPCI chuan Headquarters building lungphum phumin sak hna tan a ni. General Headquarters office Building hi a dung 100ft leh a vang 60 a ni a, chhawng ruk a sang tura ruahman a ni.

********************** 

PASTORAL SEMINAR NEIH A NI

 

     Ni hnih awh Pastoral Seminar chu May 13, Nilaini khan North Mizoram District Headquarters Biakin, Tuikhuahtlang ah tan a ni a. North East India huamchhunga Pastor zawng zawngte tan PASTORAL SEMINAR hi buatsaih a ni.

    Nikhatni hian Rev. V.L Dika Sailo, General Superintendent chuan Seminar hi a kaihruai a,     Rev. Lalmalsawma Sailo, General Secretary paper buatsaih "Evangelism & Statistics" tih leh Rev. R. Lalrinsanga, General Treasurer buatsaih "Ministerial Duties" tih chungchang zir ho niin sawiho na neih chhunzawm nghal a ni.

    A ni hnihnaah Rev. V.L Dika Sailo, General Superintendent paper buatsaih "Pastoral Ethics"chungchang zirho a ni a, Pastor te mawhphurhna leh tihtur chungchang zirtirna leh infuihtharna neih a ni a, Pastor-te awmdan mawi leh nun dan tur chungchang te, Mipat hmeichhiatna kawnga fimkhur a tuldan chungchang, Sum leh paia thianghlimna, Quarters leh kohhran hmanrua enkawl dan chungchanga zirtirna te leh kawng hrang hrangin infuihtharna hun hman a nia, General Discussion neih chhunzawm nghal a ni.  Pastor kalten an hlawkpui hle.
   
District 10 atangin Pastor 150 velin he Seminar hi an chhim a, harsatna avangin South East Nagaland District Pastor te erawh he seminarah hian an tel thei lo a ni. 

 *******************

 PYD HNATLANG

Ni 14 may 2015(Nilaithawhtan) zan khan Bethlehem Local PYD te chu sum tuak nan lei vung paihin an hnatlang a, hemi zan hian hnatlang thawk chhuak an thahnem hle ani. Member hnatlanga chhuak zawng zawngte chungah PYD hruaituten lawmthu an sawi tak meuh meuh a ni.

 LAD DAY HMAN A NI

May ni 10 2015(Sunday) kha LAD Day a ni a, kan Local LAD te chuan a hranpa a lawm lovin Kohhran pumpui huapin thingpui ruai tui takin LAD Day hi an hmang a ni.

LISENCE NEI THAR

Evan. Lalchhuanmawia Zote chuan General Lisence a nei thar a, Bro. Joseph Lalremruata pawhin Local Lisence a nei thar bawk. Lisence nei tharte hi Juniper Editorial board chuan kan lawmpuiin, rawng an bawl leh zelna turah kan duhsakna sang ber kan hlan e.

RT PHUNGA GROUP NEWS

    Local PYD Sport naa RT Phunga group atanga Jersey la thehlut lo zawng zawngten RT Phunga group hruaitute hnenah tunkar chhungin thehluh vek tur a ni.

LOCAL PYD KUMPUAN NEWS

    Naktuk zan thalai inkhawm banah hian Dt. 25th May a Kumpuan puala inkhawm programme tur rel a ngaih dawn avangin Local PYD Kumpuan Committee member zawng zawngte Committee vek tur a ni e. 

 ******************

     

JUNIPER Editorial Dt. 10 May 2015

 JUNIPER EDITORIAL

Kawng thlan fuh a pawimawh..

Zirna kawnga mel lung pawimawh tak HSLC leh HSSLC result chu MBSE chuan a tichhuak leh ta a, kan kohhran atang pawhin hlawhtlinna chang engemaw zat an awm a, a lawmawm hle mai. Chutihrual chiah chuan hlawhtlinna changte ko -ah hian duhthlanna lian tak mai, siam harsa tak, siam fuhloh a nghawng pawi tak nei thei, siam fuh erawh chuan  damchhung hlawhtlinna thlen thei khawpa pawimawh chu a awm a, fimkhur tak leh thui tak dawn chunga duhthlanna siam a pawimawh hle mai.

Zirlaite mai bakah hian nu leh pate pawhin mawhphurhna pawimawh tak an nei a, kan faten duhthlanna dik an siam theihna tura fuih leh hrilhhriat hi kan tih makmawh a ni. Mi thenkhatin “chumi chu a tha” an tih vang mai kan fate chutiang kawnga kal tir ve  ta ngawtte, kan fate mizia leh tuina lo lam deuh zawhtir daih pawh hi thil awm thei tak a ni a, mi tam tak tihsual fo na pawh a ni reng a ni.

Mihring reng reng chu, a tuina leh a duhzawng tak a tih chuan hlawhtlinna pawh a chang awlsam a, teirei peihna leh tumruhna a nei thin. Chuvang chuan zir zawm tur leh an nu leh pate pawhin duhthlanna an siam dawn hunah an tuina leh nakin thleng pawha hlawhtlinna pe thei ngei tur an thlan thiam a pawimawh hle a ni. Hemi tur hian mithiam zawk leh tawn hriat lo nei tawhte zawh ngam pawh a finthlak hle awm e.

Tunlai chhanah eizawnna a harsa tawh a, lehkhathiam an tam tawh bawk si a, “Mainstream’ lutuk lo deuh a kal pawh hi a finthlak hun a awm chawk a ni tih hre tel bawk ila a tha awm e.

PE RAWH U TICHUAN PEKIN IN AWM ANG Sis. F.Lalnghinglovi (Juniper Article Dt. 10 May 2015)

JUNIPER ARTICLE

(LAD DAY PUAL)

PE RAWH U TICHUAN PEKIN IN AWM ANG

Sis. F.Lalnghinglovi

    Kan Pathian Lal Isua’n A zirtirte leh Amah ringtute hi kan dam chhunga kan tihtur leh zawm turte fuihna thute thil tam tak min zirtir thin a, A zirtirna zawma pawmtute chu an hlim a, an lawm thin a ni.  Awle, kan thupui khi ngun takin zirin ngaihtuah thin ila, Luka 6:38 ah chuan he thu hi kan hmu, “ Pe rawh u tichuan pekin in awm ang. Bengmuka sawi muka liam zawih zawihin in malchungah an pe ang che u,” Lal Isuan a ti a. Pathian hmangaihna nei chunga thahnemngai taka kan pek chuan A malsawmna kan dawng let leh dawn niin a lang. Thilpek reng reng hi a petu lam tan channa leh hekna a ni ve thei a, thilpek lamah hian kan pianthar a ngai hle.

    Tuiah leh thlarauvah piangthar inti hle mah ila thilpek lama kan pianthar tel si loh chuan a pawi thei. Pathian hnen atang lo chuan malsawmna leh vanneihna hi a dawn theih ngawt loh. Hetiang malsawmna hi chan kan duh chuan, kan thilphal hmasaka, A chanpual tur te, kohhran A taksa siam puitlinna turte ui lo leh hlim taka kan pek fo thin a ngai hmasa, chuti lova Lalpa malsawmna dil fo hi a dik ber lo. Harsatna- chhungkuaah, kan fateah, kan pasalahte a lo awm hian A tihdamna dil fo mi kan nih chuan a tha berlo, A duhzawng kan tih a, kan awm a ngai ve thin a ni. Kohhranah Department hrang hrangte kan awm a, chungte chuan Target te neiin kan pawisa thawh ve theih zat turte min tuk ve thin. A khawntuten a hun taka anlo khawna lo pek thinte hi Lalpa hnena pe thin kan ni. Kan pek tam leh tlemah kan Pathian hi a lawm ber lova, kan neih ang angte lawm tak leh hlim taka kan pekah A lawm mai zawk a ni. Hmeithai thawhlawm pekah Lal Isua a lawm hle ang khan thinlung taka lawm taka kan pekah Lalpa alawm mai thin.
    Piangthar tih chu mi an awm dan tha lo leh mawilo thin kha an duh lova an tlansan thin hi a ni. Dawt sawi hrat tak thin khan thudik tak a sawi tawh thin, mi uikawm tak thin kha a thilphal tawh thin. Lalpaah kan pianthar tawh tak tak chuan kan awmdan tha lo zawng zawng kan kalsan thin a ni. Thilpekah i piangthar tel zel ang aw, “ Pe rawh u tichuan pekin in awm ang ”. A chunga kan sawi angin Pathian hmangaihna leh piantharna tak tak atang lo chuan a harsa hle thin. Mahse Amah avanga nunga hnathawk thei chauh kan nih avangin min petu tan nise. Pe tam chuan a dawng tam ang a, pe tlem chuan a dawng tlem mai dawn a ni. Kan pek ang ang hi keima tan, chhungkaw tan, nangma tan a ni zel. Ni in i hria em? Thilpek lama mi uikawm, nei ngai lo, harsa inti reng mite hi an hrisel thei ngai reng reng lo e, an tih chu. Aw le, Pathian tana thilpek chi hrang hrangah hian chhungkhata Nu L.A.D te kan pawimawh hle mai. Mawhphurhna sang tak, Pathian malsawm dawnna leh damlohna kan kutah hian a awm. Kan pawimawh hle mai, kan pasal ten an hlawh an rawn hawn a, kan faten an hawn bawk a, inchhung an rawn thlena a kalna tur athawhtur peng hrang hranga a tlem emaw, atam emaw; kan lo dah (thun) zel hi kan mawh a ni.
    Vawiin May 10 2015, Pathianni hi kan ni pawimawh tak kan Day a ni a, hemi denchhen hian kan thlen chin atangin hmsawn zel turin i inbuatsaih ang u. Hna ropui leh tangkai tak tak kan thawk a, mite tanpuina lamah te, rawngbawlnaahte hma kan sawn zela a ropui, Buhfai thamah pawh hma lam kan pan a, kohhran enkawlnaah te, Mission rawngbawlna te, General-ahte hna ropui a thawk mek, athain a ropui hle. Tun aia nasa leh tamzawkin hma kan la sawn thei niin alang. Kum 2014 a No 3-5-10 thawh thinin 2015 ah chuan No 1 tala hmasawn turin, Rs. 20-40-80 pe thin ten Rs.10  tala hmasawn thei turin tan inla leh teh ang u. Kan thawh tama kan pek tam poh leh keimahni bawk kan lawm thin a ni. Mi pakhat chuan heti hian a ti a, “ Kum dangah chuan Rs.10 te, No 2 te ka thawh ve mai mai a, mahse tunah chuan ka hrethiam a, a pawimawh zia ka hre ta ” a ti a, Pathianni apiangin Rs 100-200 te a thawh tawh a, hma ava sawn ve, Pathianin a hria ang a malsawmna a dawng leh mai dawn a ni. Kan Pathian hian amah hmangaih a, A zirtirnate zawm a, A duhzawnga awm thinte hi a kalsan ngai lo, A hnena malsawmna A pein a dawn tir mai thin.
    Kan Pathian ngei pawh kha khawvela a len lai khan A hnena thiltihtheihna a pe thin a, chutiang chuan Amah zuitute hi awm ve turin min duh a, min zirtir thin a ni. Kan thupui kha eng nge ni kha, “Pe rawh u pekin in awm ang” tih anih kha mawle. Liam zawih zawiha bengmuk a, sawimuka petute chu Lalpa’n mal min sawm dawn a ni.

PE RAWH U PEKIN IN AWM ANG
L.A.D DAY 10th MAY 2015 HI HLIM TAKIN I HMANG ANG U.
LALPAN MALSAWM RAWH SE, AMEN

*****************

JUNIPER 10th MAY, 2015: VOL: XIX, ISSUE NO. 19

UPC (NEI) GENERAL HEADQUARTERS OFFICE HAWNG DAWN

    NEI UPC General Headquarters office chu May 15, Zirtawpni chhun Dar 11:00 a.m hian hawn a ni dawn ta. Rev. Lalmalsawma Sailo, Chairman, Planning Board chuan hawnna inkhawm buatsaih kaihruaiin Rev. VL Dika Sailo, General Superintendent-in a hawng ang.

    Technical report Rev. R. Lalrinsanga, Planning Board Treasurer hnen atangin ngaithlak a ni ang a, Rev. VL Dika Sailo, General Superintendent-in thusawina neiin Zaipawl zai turin General Choir, N. Mizoram District Choir te sawm an ni a, Solo turin Sis. Lalhriatchhungi, Sis. Laldinpari, Bro Varsangzuala te sawm an ni bawk.

    Short Speech    - 1) Rev R. Laichhingpuia, General S.S Director Rev K. Satinvela (Pensioner aiawh) 2) Rev JH Zahluna (General Office Staff aiawh) 3) All District Superintendents 4) Chairman, Local Council, Salem Veng ten an sawi ang a. Thusawi turin : 1) Pu Lalthanzara, Minister, 2) Pu Zodintluanga, Minister 3) Pu Col. Z.S Zuala, Bialtu MLA te sawm an ni. Vote of Thanks Rev. Zohmingthanzama, General Missions Director chuan sawiin Tlailam Dar 3:30 pm ah ruai theh a ni ang.

************************

BETHLEHEM LOCAL L.A.D TEN L.A.D DAY THINGPUI RUAI NEN LAWM DAWN

Vawiin May 10, Pathianni hi LAD day a ni a, kohhran chuan ni pawimawhah puangin kohhran office, zirna in, bookstall leh hmunpawimawh dangte pawh khar thin a ni.

Bethlehem LAD-te pawhin an DAY pual hian Vawiin chawhma inkhawm ban hian NPSS leh PTSS Inkawm zawng zawngte tan thinpui ruai an buatsaih dawn a ni. Hei bakah hian Sunday School-tibuai lovin LAD Day pual hian hun tawite hman a ni bawk ang.

LAD Member zawng zawngte an DAY anih anga thahnemngai taka inkhawm vek turin an insawm nghal a ni.

NEI huamchhunga LAD dinna local hrang hrangah intihhlim nan leh in fuihthar nana hmang turin ruahmanna an siam a. Bial huapa hmang tur leh mahni local mala hmang tur local engemaw zat an awm a, Seminar- leh Revival Programme-a hman tum local engemaw zat an awm bawk. Kumin hian Pathianni a tlak avangin local thenkhat chuan Inrinni lamah intihhlimna programme siamin ruai nen an hmang ang. LAD hi North East India-ah kum 1969 khan din tan a ni a, Kum 1988 atang khan LAD Day hi  hman tan a ni.

************************

 LOCAL PYD HNATLANG

Dt. 8 & 9 May 2015, Zirtawpni zan leh Inrinni nileng khan lei laiin Local PYD hnatlang neih a ni a, hnatlanga thawkchhuak member zawng zawngte hnenah leh inhlawhna siamsaktu te chungah hruaitute’n lawmthu an sawi a ni.

HSSLC PASSED THARTE

    Kar kalta Zirtawpni, Ni 8 May a MBSE in Pawl 12 (HSSLC) result a tihchhuah-ah kan Local Member atangin hlawhtilinna chang kan nei nual a, a lawmawm hle mai. Passed thar kan hriat theih chinte chu:-
    Baby Vanlalruati                           I Div (Arts)
  Amos Lalramhmangaihzuala         I Div (Science) (Letter in Mizo)
   Jacob Lalnuntluanga                    II Div (Arts)
   Vanlalhumi Jongte                       III Div (Arts)
   Lalthanmawia                              III Div (Arts)
   Lalhlimpuia                                  III Div (Arts)
   Baby VL Hruaitluangi                   III Div (Arts)

HSLC PASS

Kar hmasa lam chhuaka tarlan hmaih palh HSLC Passed tharte:
   Lalmalsawma            III Div
   Vanlalruata                III Div
(HSLC & HSSLC Passed thar tarlan hmaih palh a awm anih chuan Editorial Board-te hnenah hriattir nise a lawmawm hle ang.)

******************** 

General Conference rorel leh Executive Board rorel pawimawh zualte

    April  9 - 13 , 2015 hmang khan  Saiha-ah Executive Board Committee pawimawh tak mai neih a ni a, chuta rorel pawimawh zualte chu lo tarlang ila -
    1. Kum 2015 atanga hman tan turin NEI UPC Gen Hqrs Office leh District Offices hun bi Kum thar leh kum tawp hetiang hian pass a ni.
Kum thar office hawn : January ni 5, Kum tawp office kai ni hnuhnung ber  hi December 21 ni se, December 22 atangin office khar ni se kan ti. Office hawn ni hi holiday a nih chuan a dawttu chiah office working day hmasa ber office hawn ni atan hman tur a ni ang a, office kai ni hnuhnung ber hi holiday anih chuan a hma chiah office working day hnuhnung berah office kaia hemi ni hian khar nghal mai tur a ni ang.
    2. Reverend title hi Pastor an thawh atanga chhiara kum 10 service tling, ordain minister-te hnenah chauh pek a ni tawh ang a, tun a\anga hman nghal tur a ni.
Tin, Reverend title hi Gen. Hqrs. Office a\ang chauhva pek tawh tur a ni ang a, District leh Missions Field lamin  a dawng thei tur ( eligible candidate ) Gen Office-ah an pe lut \hin ang.
    3. Kohhran Certificate fill up tura District hming  ziah thinah hian tun atang  chuan  mahni awmna Sawrkar District hming zel  ziah tur a ni tawh ang.
    4. Ordination licence  - 14, General licence – 11, Local licence – 46, leh BW – 10 A vain = 81 pek chhuah a ni.   
    5. Kum 2015 atang hian Licence dilna hi April thla Executive Board-ah chauh ngaihtuah thin a ni tawh dawn a, District lam leh Field lam pawhin hei hi chhinchhiah tur a ni ang.
    6. Inneihna Thianghlim ( lehkha tar) tlin lote inneihna dan hman nghal turin a hnuai ami ang hian rel a ni a; amaherawh chu inneih program lo siam laklawh tawh te chu a huam rih lo ang.
    1) Lehkha tar emaw lehkha tar aiawha puansak emaw phal a ni lo va , hei hian chhungkaw lamin sawmna an siam chhiarsak a huam lo vang.
    2)    Inneihna hmun atan biak in hman phal a ni. Biak in hman tur nei remchang lo tan chuan church board remtihnain hmun danga inneih phalsak theih an ni ang.
    3) Kohhran inkhawm pangngai a ni naa inkhawm dar vuak loh tur a ni ang a, hla erawh chu sak theih a ni ang.
    4) Inneih hun atan zing lamah dar 6 a.m – 10 a.m inkar leh chawhnu lamah dar 2 PM – 4 PM inkar a ni ang. Hun tiam chhung hian inneihna programme hi khung zawh vek tur a ni ang.
    5)    Inneih certificate hi lehkha tara innei kan pekte nen certificate in ang vek pek tur a ni.
    6) Kohhran leh Department hminga present pek loh tur a ni.
    7) Inneih inkhawm leh mo lawmnaah Church Board hminga programme siam loh tur a ni. Hei hian Pastor-in programme a siamsak a huam lovang.
Note :
    1)    Lehkha tar emaw  lehkha tar lo emawa innei te reng reng tlai dar 5 PM atanga zing dar 5 AM inkarah inneih phal a ni lo.
    2)    Hemi bak chu kan danpuiin a sawi ang zela kal tur a ni ang.
    7. Mizoram Law Commission  ngenna angin a mamawh te hman turin kan inneih certificate-ah hian ’In accordance with the Mizo Marriage, Divorce and Inheritance of Property Act – 2014 ’  tih chhut kai tur a ni ang.
    8. Staff Sick Rule – General Hqrs Office Administration hnuaia thawktute tan pass a ni.
    9. General Missions Secretary leh Lynden Offset Press Manager mawhphurhna  chelh mektu  Rev. VL Tluanga Sinate,Tripura District Secretary-a a kal dawn tak avangin hetiang hian term ding lai zui turin ruat thar a ni.
    Gen. Missions Secretary - Evan P.C. Lalrokima
    Offset Press Manager     - Rev. R. Laichhingpuia
    10. General Media Cell member atan tun term ding lai zui turin Aizawl East District, North Mizoram District leh Lunglei District-a Media Cell Committee chairman leh Secretary theuhte  ruat thar an ni a, General  Media Cell-in an lo bawhzui ang.
    11. CBC Lecturer Evan. C. Mangthangvunga  Aizawl Bethlehem  leh Evan. B.D. Kowarson Rungchang, Chandel District-te chu an service leh duty - te ngun taka en anih hnuah Executive Board-in an service hi April 1, 2015 atangin a tinghet ( regularise ) ta a ni.
    12. Bro. H.Lalrinmawia Varte, Armed Veng South chu  General  Headquarters Administration hnuaia IV Grade atan lak thar a ni a, a nghet lovin kum khat atan lak a ni a, kum 2016 April thlaah ennawn leh  a ni ang. May 1, 2015-ah joining report a pein a hna  hi  a zawm ang.
    13. Mualpui ram, Aizawl-a CBC international project atan a hnuai a mi te hi pawm a ni a, TEB lamin an lo bawhzui ang.
    14. CBC Academic session kan hman mek March -November hi class XII result chhuah hun lai vela an zawm nghal theih turin kum 2016 April  atangin June -Dec.  hman ni tawh se tih a ni a, TEB lamin an lo bawhzui ang. 

********************

 

Ka Zinna Ram - K. Lianthanga; JUNIPER ARTICLE (3rd May 2015)

 

 

 JUNIPER ARTICLE

 

KA ZINNA RAM

- K. Lianthanga

    Awle, he khawvel ka zinna ramah hian, sawi tur chi hrang hrang ka ngah ve tawh khawp mai.  Genesis 47: 8-9 thu kan chhiar chuan Pharoah-a chuan Jakoba hnenah chuan, “Kum engzat nge i nih tawh?” a ti a, Jakoba chuan, Pharoah-a hnenah, “Ka khualzin kum chin chu kum za leh kum sawmthum a ni a, ka dam chhung kumte hi a tlemin a hrehawm a ni.” tiin a chhang a. Kei pawh Lalpa kaihhruaina avangin tunah hian ka khualzin kum chin chu kum 69 (sawmruk leh pakua) ka hmang mek a ni. Tichuan, Jakoba sawi ang khan ka dam chhung hun ka lo hman tawhah hrehawm taka awm chang a awm fo thin a, he lei hi zawng a hrehawm a ni. Lalpa ram ngaih a va na thin em! Mahse, he kan hrehawmna avangte hian a ni Lalpa ram kan ngaih thin ni. Khawvelah hian nuam hlirin awm ta ila, kan Pathian A hming Lal Isua chu kan hrelo maithei a ni.  Hetia hrehawma kan awm thinte hi, Amah Lal Isua kan hnaih zawk theihna tura Lal remruat a lo ni thin a ni.

    Awle, Lalpa min kaihhruaina avang zelin Dt. 31. 3. 15, Thawhlehni khan Rabung lama kan nau, Pastor H. Lalropuia (Mapuia)-te chhungkua N. Vanlaiphai lama transfer an nih avanga hruai turin ka chho ve a. Tichuan a tuk atangin Rabung atanga rawn tlan let pheiin Khawzawl-ah, Khawhai lamah, Biate-ah, E. Lungdar-ah, Mualcheng kal pel zelin N. Vanlaiphaiah kan lut ta a, Pastor Quarters lian leh tha tak maia kan han lut chu Pentecost Kohhran U leh Nauten namen lova min lo lawm kha a nuamin ava ropui em! Rabung lam unau ten an Pastor-te chhungkua an ngaiin an chawimawi hle mai. Mi 40 aia tam zet mai thlahtu, hruaitu an awm thei kha ava ropui em!. Tichuan zankhat kan riak a, a tuk lamah chuan Rabung unaute an haw a, keini kan nau Buanga motor keng zelin Chekkawn lamah, Khawlailung-ah, Mat lui lei, zawh lai bengchheng zet mai rawn tlan pel zelin, Sialsuk-ah ei leh inna neiin kan chawl a, Ruah a sur tan tawh a, tichuan Chamring rawn tlan pel zelin, Maubuang dai kan lut tan tihah chuan ruah a sur tawh lova, rialpawh a tla tawh lova, mahse kan thlen phei hma a rial lo tlate chu kawngsir lehlam lehlamahte chuan an la var thal pheng phung hlawma, a lian thin ngei mai. Buanga’n a motor a tidinga, rial lian zual chu a rawn la a, kei chu motor chhunga awm ka ni a, a lan dante ka lo hmer chhin zela, ka  hmer zawh loh a tam ber a, chung zinga a lian ber chu zung thum beng zet hian ka hmer zo lo a, hetianga rial lian hi ka la hmu ngailo a ni.

    Awle, ka zinna ramah chetsual mai theihnaahte, thlipui, ruahpui leh rial lian lakahte Lalpa’n min humhim avangin Lalpa hnenah lawmthu awm rawh se.

Hei leh chen kumtam min hruaitu,
Ka Lalpa ka tan i va tha em,
Malsawm tinreng ka chhiar seng lo;
Hlim leh lawmna chatuan nun nen.

I tello chuanin mitkhap kar pawh,
Ka nung zo lo ka chau leh thin,
Nang chauh hi i ni ka duh ber leh
Chatuan thlenga ka belh tur chu.

Lalpa’n malsawn rawh se. AMEN.

JUNIPER EDITORIAL (3rd May 2015)

 JUNIPER EDITORIAL

Hmasawnna dik...

    Khawvela kan awm chhung chuan Nupui Pasal neih hi a bo dawn lova, Dan thianghlim leh Dan thianghlim tlin chiahlote pawh Thalaite zingah kan la awm zel dawn niin a lang.
    Khawvel changkang chho zelah Kohhran chhungkuaah Dan thianghlima Nupui Pasal nei tam telh telh tura ngaihna lian tak awm thin mahse heihi chu mifing tute emaw Theory tha tak, ataka thleng hleitheilo ang deuhin Dan thianghlim ngata Nupui Pasal nei thei hi chu mi tlemte an ni.
    Innei lawmpui dan chungchangah leh ngaih pawimawh danah Thalaite chauh ni lovin Kohhran mipui  zawng zawngte hmasawn kan ngai nasa hle. Kohhran member, Kohhran Dan thianghlim ngei a Nupui Pasal neite hi kan la lawmpui thiam tawklo hle.
    Kohhran member kan Biak In ngeia Kohhran dan thianghlima Nupui Pasal nei kan awmin Kohhran Mipuiten kan hlut thiam tawklo, Kohhran Mipui inkhawmpuitu awm mang lova Inneih Programme hman a awm fo mai, mualpho chang kan nei ta zeuh zeuh. Nihna sang leh Hausakna lam en lovin, Kohhran dan thianghlima Nupui Pasal nei an awm chuan kan tihturah ngaiin inkhawm pui thin  ila, chawimawi an phu a ni tih hriain kan theih tawk theuhin chawimawina hlan thin ang u. Chawimawi a phu anga chawimawi anih chuan Thalaite zingah Kohhran dan thianghlima Nupui/ Pasal neih chakna a lian lehzual ngei ang.
    Tin, Kohhran hruaitute atangin Kohhran dan thianghlim ngeia Nupui Pasal nei tura infuihna hi a tam thei ang ber neih a tul ta hle!!

********************

JUNIPER 3rd MAY, 2015; VOL. XIX, ISSUE NO. 18

NORTH LAKHIMPUR, ASSAM MISSION FIELD PUALIN APPEAL NEI DAWN

Bethlehem Local atanga Missionary a kal, Evan. Vanlalrokhawma tuna North Lakhimpur Assam Mission Field a rawngbawla awm mek chuan Rawngbawlna zau zawk leh chak zawk a neih theih nan an mamawh hrang hrangte Bethlehem Local-ah rawn thlenin Kohhran mipuite puihna a dil a, a mamawhnate Church Board-in a ngaihtuahin North Lakhimpur pual hian vawiin Dt.3.5.2015 Pathianni chawhma inkhawmah hian kohhran mipuite hnenah Appeal neih nise tiina rel a, Appeal nei tur hian Upa C. Taisena chu ruat a ni.

    Evan. Vanlalrokhawma’n a mamawh a rawn thlente chu:-
      1.    Guitar Rs.3500/- man Pahnih
      2.    Casio Keyboard Rs. 6000/- man
      3.    Gereki hmuna ram leina tur Rs. 7000/-

    A mamawh rawn thlente hi avaiin Rs. 20000/- man hu a ni. Lalpa ram a lo zau zel nan Kohhran member-ten thahnemngai tlang ila, North Lakhimpur, Assam Mission Field tan hian theihtawp i chhuah theuh ang u.

**************

LOCAL COUNCIL MEMBER-AH TLING

Kar kalta Dt. 30. April 2015 (Ningani) a Local Council Election neih zawh takah kan Kohhran atangin Bro. Lalthansanga Colney, Sis Siampuii leh Bro. JH Ngurzampuia-te chu an tling a, Juniper Editorial Board chuan kan lawmpui a, khawtlang tana hna tha tak thawk turin duhsakna sang ber kan hlan e.

**************

 PASSED THAR

2015 HSLC Result chhuakah, kan kohhran atang pawhin passed thar kan nei a, a lawmawm hle mai. Kan hriat theih chin a passed tharte chu:

   1) Lalhruaizeli                          I Division
   2) Samson Lalnunpuia            I Division
    (Letter in Maths & Mizo)
   3) Lalmuansangi Ralte           II Division
   4) Lalrawngbawli Chinzah     III Division

Passed tharte kan lawmpui takzet a, an kalzelna turah duhsakna sang ber kan hlan e.
(Tarlan hmaih palh a awm anih chuan Editorial Board hnenah hriattir nise a lawmawm hle ang)

 **************

SUNNA

Dt. 1st May 2015, Zirtawpni khan kan Kohhran member Bro. Vanlaluapa chuan chatuan ram min pansan a, a kalsan tak a chhungte kan tuarpui a, Lalpa’n awmpui zel rawh se.
    Vawiin Pathianni Chawhnu inkhawm
ban hian Kohhranin ralna hun a hmang dawn a, kohhran mipuite a tam thei ang ber kal tura ngen kan ni e.
RALNA PROGRAMME
Hruaitu        : Evan. Lalramthara
Ralna thilpek    : Bro. Lalfelkima

 

 **************

 RAWNGBAWLTU RUAT BELH

Local Church Board chuan 2015 a tanna hun Rawngbawlna hmang turin heng mite hi a ruat belh:-
1.    Sis. Lalhmunsiami (Siampuii)
2.    Sis. Lalkhawli

 **************

SENIOR DEPT. NOTICE

Senior Depratment-te vawiin inkhawmah Bible ken leh theuh tur a ni a, tin, zirlaibu man la pe lo zawng zawngten a rang lama pek tur a ni e.

 **************

 CHHUNGKAW ZAN HMANG DAWN

Bethlehem Bial Sunday School Department rorel in a lo passed tawh angin, Dt. 3 May 2015 Pathianni zan hian Bial chhung Local tinah chhungkaw zan hman a ni dawn a, hemi zan hian kohhran chhawngkaw tinte, chhung kima inkhawm turin min ngen a, He program hi chhungkaw tinten ngaipawimawh ila, a hlawhtlinna chu keimahni theuhah a inghhat tih hrereng chungin inkhawm theuh turin hruaituten min sawm a ni.

 **************

BIAL HUAP THIANGHLIMNA CAMPAIGN NEI DAWN

Vawiin Dt. 3 May 2015 Pathianni zan hian Bial Thianghlimna Committee buatsainin Bethlehem Vengthlang Biakin-ah Thianghlimna Campaign neih a ni dawn a, he hunah hian Bro. Lalfelkima’n thuchah a sawi ang. Thianghlimna campaigne hi Bial chhung Local hrang hranga neih tura ruahman a ni a, a hmasa ber atan Bethlehem Vengthlangah  zanin hian neih a ni dawn a ni.

 **************

PASTORAL SEMINAR ATAN INBUATSAIH MEK ZEL

May 13 & 14, 2015 khiang N. E. India pumpuia pastor zawng zawngte tan Headquarters Biak in, Tuikhuahtlangah Pastoral Ethics, Evangelism & Statistics leh Ministerial Duties tih thupuia hmangin Seminar buatsaih a ni dawn a. General hruaitu 3 ten resource person-ah hman an ni ang. N.Mizoram District, Lunglei District leh Chhimtuipui District atanga pastor lo kal zawng zawngte North Mizoram district-ah thlen tur a ni ang a, Aizawl East District leh Mizoram pawn atanga Pastor lo kal zawng zawngte Aizawl East District-ah thlen tur a ni.

 **************

HSLC EXAM A KAN KOHHRAN SIKUL DINHMUN

Kum 2015 Academic session HSLC result chhuakah kan Kohhran sikul Tuikhuahtlanga awm Pentecostal Gateway Higher Secondary School zirlaite 69% an passed. PG HSS atang hian naupang 16 in exam an bei a, 1st Div. pakhat awmin, 2nd Div. pathum leh 3rd Div. pasarih an awm a, exam 16 zingah hlawhtlinna chang 11 an awm a ni.

 **************

BIAL HMALAKNAIN SEMINAR NEI DAWN

Vawiin Dt. 3 May 2015 Chhawhnu hian Bial kohhran buatsaihin   Bethlehem Biakin ah Financial Account vawn dan leh Leadership chungchang Seminar pawimawh tak neih a ni dawn a,  he program hi chawhnu inkhawm aiah neih a ni ang. He Seminar-ah hian Local Church Board member zawng zawng, Puitling leh Naupang Sunday School zirtirtu zawng zawng, Local Department hrang hrang OB-te leh Group leh Sub-Committee OB zawng zawngte chu tel vek tur a ni a. Fiancial Account vawn dan chungachang resource person atan Rev. JH Zahluna a ni a, Leadership chungchang resource person atan Evan Lalramzauva a ni ang. Tel tura ruat bik zawng zawngte chuan he hun hi ngaipawimawha kim taka kal vek i tum ang u.

 **************

 ADVERTISEMENT

Mualpui Child Development Centre-ah Child Development Worker (CDW) hna (post) pathum a ruak a, dil duh chuan dilna plain paper-ah ziakin, Project Director / Chief Functionery address in Dt. 11th May 2015 Dar 5:00pm aia tlai lovah Project Manager, Mualpui Child Development Centre, UPC General Headquarters Building, Mualpui-ah thehluh tur a ni. Diltu chu HSSLC leh a chunglam,
English thiam, zuk leh hmuam, ruihtheih thila fihlim a ni tur a ni.
    Dt. 12th May 2015 2015 (Tuesday) Dar 11:00am ah Written Test neih a ni ang a, Dar 1:00pm ah Personal Interview neih nghal tur a ni ang.
Dilna a thiltel turte:
         1. Mahni lawina kohhran lehkha.
         2. Marksheet & Certificate, HSLC & above (attested copy)
         3. Any other certificates.
    Hrechiang duh chuan Project Manager, Contact No: 9436366197 hnenah emaw, Mualpui CDC office, Mualpui-ah emaw office hun chhungin zawhfiah theih a ni e.
 

Sd/-Lalthawhmawia

 Project Manager

Mualpui Child Development Centre 

  **************