1st MARCH, 2015;VOL. XIX, ISSUE NO. 9 ; BETHLEHEM PYD ; PATHIANNI,

LOCAL PYD EXECUTIVE MEETING THUCHHUAK LEH TUL PAWIMAWH DANGTE

* Challianzika Group Committee member atan  Sis. F. Lalhruaizeli lak thar a ni.

* RT Phunga Group Fin. Secretary Sis. Lalfakmawii chu a nihna atanga a phat avangin Sis. Lalnunthari chu RT Phunga Group Fin. Secretary atana ruat a ni.

* Tun inrinni lo awm tur Dt. 7th, March ah hian Local PYD chuan Doordarshan Kendra ah Drama an chang dawn a. Tunah hian ngawrh taka zir mek zel a ni. Naktuk Dt. 2. Feb Thalai Inkhawm banah hian Naupang Sunday School Hall ah zir leh turin kan in hriattir nghal a ni.

* Leithum rawngbawlna tanpuina tur chu khawn zawh a ni ta a. Tanpuina pawisa tlingkhawm hi Rs. 6230 a ni. A thawhtu zawng zawngte Pathianin a let tamtakin malsawm rawh se.

BLANKET SU DAWN
* March 21 (PYD Day) ah hian Local PYD chuan Blanket a su dawn a. Kohhran hote tutemahin midang lo suktir lo turin kan in ngen a ni.

GROUP SPORT ITEMS TURGroup hrang hrangten Group Sport na ami tur Items thlan tur a ni a.. Kan Items thlante chu Dt. 7, March (Inrinni) ral hma ngeiin Local PYD Secretary hnenah thehluh tur a ni.
 

TAWNGTAI INKHAWM
PYD huapin tawngtai inkhawm neih thin a ni dawn a. A hmasaber atan Marh ni 9 hi ruat a ni.

CHALLIANZIKA GROUP HNATLANG
Dt. 24, Feb. (Thawhlehni) zan-ah khan Upa. Vanlalbela-te Ice-Cream siamna dawr sawn a hnatlang neih a ni a. Hnatlanga thawkchhuak zawng zawngte chungah hruaitute chuan lawmthu an sawi a ni.
===========================================================

LAD NOTICE

LAD BUL TUMIN TAWNGTAINA HMAN A NI
February 25.2.’15 (Nilaini) hmang khan Local LAD bul tumin Biak Inah nilengin tawngtaina hun hman a ni a. Tawngtaia kalte hian tiffin paiin Thlarauvah pawh an hlim hle a ni. Tawngtai a kal zawng zawngte chungah hruaitute chuan lawmthu an sawi a. He hun hi Pathian Thlarau Thianghlim hruaina hnuaiah hlawhtling taka hman zawh a ni.

HNATLANG
Tunkar kalta a Local LAD te’n a Hmunphiah leh Sangha zuara an hnatlannaah, hnatlanga thawkchhuakte zawng zawng chungah hruaitute chuan lawmthu an sawi a. Tin, hnatlangte tlawmngaia lo dawrtute zawng zawng chungah hruaitute chuan lawmthu an sawi bawk a ni.

HLA ZIR
Doordarshan Kendra, Aizawl-ah March thla chhunga record theih turin Local LAD chuan hla zir ngawrh takin a kalpui chho mek zel a. Memberte thahnemngaih chhuah zel turin hruaitute chuan an ngen a ni.
=============================================================

PASAL NEI DAWN
Kan memberpui Mimi Lalduhawmi D/O Pastor Thangchuanga chuan lehkha tarin Dt. 5.3.15 hian Dimapur lamah Pasal a nei dawn.


SUNDAY SCHOOL SEMINAR
Nimin Dt. 28, Feb., (Inrinni) hmang khan Naupang Sunday School hall ah Sunday School Zirtirtu Seminar buatsaih a ni a. He Seminar ah hian Bro. Dr. R. Lalfakzuala leh Bro. Laichhingpuiate chu resoure person atana hman an ni.
=============================================================

KOHHRANPUI

RAWNGBAWLIN FEH CHHUAK
* Upa K. Lalbiakthanga chu Damdiai lamah rawngbawlin a chhuak. * Evan Robert Lalrinsanga chu Mauchar khuaah Pathianni hmanpui turin a feh chhuak.

BAPTISMA CHANG
Bro. Lalhriatpuia c/o Evan. Lalramthara, Khawzawl khua ami chu Ni 27.02 (Zirtawpni) zan khan Bethlehem Biak Inah Baptisma chantir a ni.

============================================================

BETHLEHEM BIAL ZAIPAWL MEMBER
Bethlehem Bial Zaipawl member ruattharte chu a hnuai amite hi an ni a. Hlazir hun atan kartin zirtawp zan chu committee in lungrual takin a passed a ni.

Chairman : Evan K. Lalhmingmawia, Bial Secretary
Vice Chairman : Bro. Lalthansanga Colney
Secretary : Bro. Lalfakzuala (A faka)
Treasurer : Sis. K. Lalthawmmawii
Conductor : Bro. Lalhriatpuia (Sena)
Asst. Conductor : Bro. JH Lalhuansiama

Mipa:
1) Bro. Lalniropuia
2) Bro. Mesak Lalnunfela
3) Bro. Lalfakzuala
4) Bro. F. Lalchhuanawma
5) Bro. Vanlalringa
6) Bro. Lalnunmawia
7) Bro. Lalrinmawia
8) Bro. Lallawmsiama
9) Bro. Rinsangzuala
10) Bro. Lawmsangkima
11) Bro. Jonathan Vanlalhruaitluanga
12) Bro. C. Lalrammawia
13) Bro. Oliver Lalthlengliana

Hmeichhia:
1) Sis. Lalrinliani
2) Sis. Lalrinmawii
3) Sis. Ramtharnghaki Zote
4) Sis. F. Laltanpuii
5) Sis. K. Lalthawmmawii
6) Sis. Lalnunmawii
7) Sis. Lalpianmawii
8) Sis. Elizabeth Lalramtanmawii
9) Sis. Lalpartlani
10) Sis. Lalrinfeli
11) Sis. Lalengkimi
12) Sis. Lallawmzuali Varte
13) Sis. Lilyparmawii
14) Sis. C. Lalbiaknungi
===================================================

DAMLO KAN - H. Laldanmawia

 Chhiat that tawh leh damloh ni khuaa inlenpui liam liam hnam kan ni hi Mizo nih hlutna chi khat a ni a, mahse kan inlainatna hi hawihhawmna tel a nih loh chuan bengvârna hnawksak a ni thei. Thil tha kan hriat hi a hun leh hmun takah hman a nih loh chuan tangkaina a nei lo va; kan hriat tawh sa kan nunpui loh fo si hi sawi thar leh thin a ngaih chang a awm.

Kantu chimawm:    Damlo satliah ni lo, dinhmun tha tawh lo tak kan kanin, hmuh, biak, chibai kher tum loh a tha tih hi kan hre vek, mahse damlo aia mahni inngaipawimawh zawkte hian an zawm lo fo. Damlo chhungten damlo hma-khawngaia mitmei leh tawngkam an neihin rilru zim tiin lenpui hrehawm kan ti zawk hlauh a; damlo ngaipawimawha lenpuitute mitmei vengin damlo chhungte chu an thaw  a i-pik hle thei. Chuvangin a kantute lam zawk hian bengvarna hawihhawm kan neih a tul. Finfiahna tak awm si lo, ‘An ti’ tih hmanga thil hre thei takte hi an hnawksak duh khawp mai a; an chhungkaw dinhmunin a tlin hauh loh tur leh ngaihtuah hautak leh khirh lutuk tur chi damdawi lo sawi hmuh te, an inenkawl mekna lo sawi hlauhawmsak vak ching te, chumite pawh chuan chu chu an ngeih, tih ang reng vel sawi chiam ching pawh a awm theih. Hetiang mite leh thawm dim nachang hre miah lo te, damlo bula zuk leh hmuam insum tum miah lote hi kantu chimawm ti ila kan ti lutuk lo mai thei.

Tawngtai:    Intawngtaipui/sak hi sum hmanga a hlutna teh  theih ni se  a man a tam duh khawp ang. Chuti taka hlu chu ni mahse a hun leh hmun thliar tho a ngai. Damlo chu a muthilh ve theih lai takin, ‘Tawngtai kan duh a, a rem em?’ va ti ila, an thisen zawmpui ai chuan mihrang va leng lut zawk mitmei vengin an lo hnial kher lo vang che; mahse i tawngtai rin poh leh an ìp nasa ang a, i chham duah viau leh i Amen  hun an nghakhlel mai thei. Thlarauvin loh theih lohva a tir lui che a nih loh chuan an inah ring mangkhenga va tawngtai kher kha chung lama mi khian a phut kher lem lo. Damlo i hmangaihna chu i tawngtaisakna kha a ni a, thlarau tirh ni si lova a khum bula beih chiam hi mahni lam inngaihpawimawhna a ni thei. Tawngtaina hmun aia pawimawh chu chapona leh fak duhna tel lova hmangaihnaa Pathian auh hi a ni.

Tawngtai dam thei:         Mihring tam dana tehin tawngtai dam thei ngah ber ram kan niin a rinawm. Ran talh tur nen lama puanga Pathian chawimawi damdawi atana lo inchawh tawkte an awm a, hetiang dampui hi kei chuan ka la hre lo. Tawngtai dam thei inkawhhmuh hi induhsakna mah ni se fimkhur a ngai hle. Beidawnna thinlung put tawh chuan tun hmaa kan rin ngai loh kha ‘Mahna’ tia beisei a awl a, an thu puan leh damdawi chawhte chu thil danga beidawng tawh damlo tan chuan duhthlan tur awm chhun a ni a; thil awihawm lo leh rinawm loh lutuk pawh na tuar beidawng rilru tihnat hlauhna avangin buai tak leh tlin lo chung chung pawha ngaihtuah a tul a, tawngtai dam thei dazât-te hian buaina chhumpui zing hi an tichhah zual thei. Kuta mi khawih/hmet/zut vak vak thin leh damdawi khirh leh vâng tak chawh ching te, natna hrang hrangah pawh damdawi chi khat hmang uar em emte hi ka rin loh zawng an ni kei chu. Tin, damna puang pawp chi lakah hian fimkhur a ngai a, thlarau damna puansak ching mite ngat phei chu a hlauha hlauh tur an ni. Thlarau damna hi midang puan chi a ni lo va, mahni inhriat fiah chi a ni. Chuvangin, eng thil pawh damlo bula sawi âwm leh an chhungte hriatah chauh sawi chite hi damlo kantuten thliar hran thiam a pawimawh hle.
.......................

22 February 2015: VOL XIX ISSUE NO: 8

DISTRICT PYD CONFERENCE A TIAK TA

Bethlehem, 22 February 2015: Aizawl East District PYD Conference chu Dt. 12-15 February 2015 kkhan Sailulak Khuaah neih a ni a, Khawmpui report bu-a alan danin Aizawl East District chhung Bial 28-ah PYD Member 5,900; Mipa 3,695 leh Hmeichhia 2,205 awmin Zuk leh hmuam nghei thar mi 290 an awm bawk. Aizawl East District Bial 28-ah PYD dinna khaw 128 awmin  a din lohna khaw 33 a awm mek a ni. Feb. 15, Pathianni chawhnu lam inkhawmnaah kohhran la din lohna hmuna Missionary rawih nan Appeal neih niin, cheng nuai thum chuang hmuh a ni. February ni 13, Zirtawpni khan Pandal-ah rorel palai 361 ten khawmpui rorelin hun an hmang. An thurel tlangpui :

1. Kum 2019 khawmpui lehna hmun atan Champhai Bethel Bial ruat a ni.

2. NEI huamchhungah PYD hminga signboard tar turten rawng inang tlang kan hman theih nan Navy Blue-ah avara ziah ni se tih chu a zau thei ang bera in hrilh ni se tih a ni.

3. Tualchhung PYD Designation plate inang tlanga hman tura tih a ni bawk.

Zirtawpni chawhnu Dar 2 khan Pandal ah vek hian District Board neih nghal a ni a, an thurel thenkhat te:

1. District Board-ah hian Board member President a kal theilo a nih chuan Bial hruaitu zinga pakhat in tirh ni tawh se.

2. District PYD ram (Ngur leh Vervek) ah Sign Board tar tha tih a ni a, a tul anga hmalak ni se.

    District PYD Khawmpui-ah hian Palai inziaklut 1,000 chuang awmin inziak lut lemlo thahnem tak an awm bawk. Palai kal hi 1,500 vel annih rin a ni.

___________________________________________________________________________________

BETHLEHEM BIAL PYD BUATSAIH
LEADERSHIP TRAINING NEIH A NI
Bethlehem Bial PYD Conference in a lo rel tawh angin Bethlehem Bial chhunga Local tin PYD OB, Group & Sub-Committee OB, leh Executive Committee Member-te tan Leadership Training Dt. 19th February 2015, Ningani zan khan Bethlehem Veng Naupang Sunday School Hall-ah a buatsaih a, Program hi Zan dar 7:00 ah tan a ni a, Bial PYD Asst.  Secretary Bro. Lawmsangkima’n a kaihruai a, Sis. PC Lalremruati’n tanna hun a hmang a,  Evan F. Lalsangliana chu Resource Person niin, Local tin atangin member kal an thahnem hle a ni. Resource person in paper a present zawh hian sawihona hun hman a ni a, Member-ten thu tha tak tak an sawi a, kalten hlawkthlak an ti tlang hle a ni.

___________________________________________________________________________________

LOCAL PYD HNATLANG HMASABER
Kum 2015 chhung a Local PYD Hnatlang hmasaber chu Dt. 20 February 2015, Zirtawpni Zan khan neih a ni a, Vawksa Rep zuara hnatlang neih a ni. Member hnatlang an tha thawkhat a, mi 20 vel bawr an thawkchhuak a ni. Hnatlanga thawkchhuak member zawng zawngte chungah Local PYD chuan lawmthu a sawi a ni.

___________________________________________________________________________________

LOCAL PYD EXECUTIVE
MEETING KOHNA
Tunkar lo awm tur Thawhlehni Dt. 24th February 2015, Dar 7:00pm hian Evan F. Lalsangliana -te inah Local PYD Executive Meeting koh a ni a, Committee Member-te kim taka kal turin hruaituten min ngen a ni.

___________________________________________________________________________________

KHUANG DAHNA THAR
Bro. R. Lalngaihzuala-te chhung chuan an Pa ber Pu Lalliana hriatreng nan Kohhrante hman turin Khuang Dahna tha tak mai an pe a, he khuang dahna hi hman nghal a ni. Bro. R. Lalngaihzuala-te chhungkaw chungah Kohhran a lawm hle a ni.

___________________________________________________________________________________

DDK AH DRAMA CHANG DAWN
Doordarshan Kendra, Aizawl chuan PYD-te an Programme a Drama chang turin Contract min pe a, tun atanga reilote ah inbuatsaihna tan a ni ang. 

___________________________________________________________________________________

CHALLIANZIKA GROUP NOTICE
Challianzika Group chuan Vawiin Chawhma inkhawm ban hian Bro. C. Vanlalrema-te inah Meeting pawimawh tak a ko, Committee member-te kim taka kal tura hriattir kan ni e.
    Tin, tukin zing hian Group hruaituten member tlawhchhuahna an nei dawn a, memberte lo inring turin min sawm a ni.

___________________________________________________________________________________

ENIOR DEPT. TE HRIATTUR
Senior Dept. zirlai zawng zawng ten vawiin inkhawmna ah Bible ken vek tur a ni a, tin, zirlaibu lei duh chuan a man Rs. 40 ken nghal theih a ni bawk e.

___________________________________________________________________________________

EVAN LALBIAKTLUANGA TE TANPUI NAN
Bethlehem Bial PYD Conference a speaker Evan Lalbiaktluanga-te chhungin chhiatna rapthlak tak an tawh avangin Bethlehem Bial PYD chuan tanpuina pek ve ngei nise tha a ti a, tanpuina atan hian Local tina Executive Member chin ten Rs. 50/- aia tlemlo thawh khawm nise tiin a rel a. Tanpuina hi Local OB te hnenah March ni 1, 2015, Pathianni hma ngeiin thehlut theuh turin Bial PYD Hruaituten min ngen a ni.
    Bethlehem Local PYD Executive Committee Member-te chuan hei hi ngaipawimawh hram hram ila, mite tana malsawmna kan nih theihna kawng pawimawh tak a ni tih hre rengin, a rang thei ang berin tanpuina hi hruaitute hnenah kan thehlut theuh dawn nia.

___________________________________________________________________________________

NPSS ZIRTIRTU THAR
Local Church Board chuan Naupang Sunday School zirtirtu atan Sis. Lalthlamuani, Sis. VL Ruatsaki leh Sis. Malsawmdawngliani te chu a ruat thar a, heng zirtirtu ruat tharte hian Vawiin Pathianni atang hian Naupang zirtir hna hi an thawk tan ang. 

___________________________________________________________________________________

LAWRKHAWM
* Upa F. Lalrova chu thin na avangin Grace Hospital ah enkawl chhunzawm mek zel a ni a, Kohhran mipui ten i tawngtaipui ang u.

* Evan Robert Lalrinsanga chu Darlawn Bialah rawngbawlin a awm mek a, kan tawngtaina ah kan hrereng dawn nia.

* Bro. Thansanga te chhung chuan Naupang Sunday School hman atan an mamawh em em Acoustic Guitar tha tak mai an pe a, Naupang Sunday School Department te an lawm hle.

___________________________________________________________________________________

GENERAL NEWS

General Hruaitute Programme : Rev. V.L Dika Sailo General Superintendent leh General Treasurer Rev. R. Lalrinsanga te chuan February 16, Thawhtanni khan Aizawl chhuahsanin Kolkata Missions Field Conference, Batanagar-hmuna neih hmanpuiin turin an zin chhuak. General hruaitute hian Central thawhpuina hnuaia enkawl lai Child Development Center Project rawngbawlna lama Project Director Meeting, Puri Odisha hmuna neihah telin hun an hmang bawk ang. Mualpui child Development Center-ah hian Naupang 303 awm mekin uluk taka an zirlai pui tur zirtirna pek an ni a, Football, Takewondwo, Dancing, Music, Drawing leh Tailoring lamahte Special Training pek thin an ni.

* Rev. Zohmingthanzama, General Missions Director chuan Feb. 19-22 chhung hian Birpara Missions Field tlawhin hun a hmang dawn a, Feb. 23-24 chhungin Pakyong Missions Field a tlawh nghal bawk ang.  Rev. R. Laichhingpuia, General Sunday School Director leh Rev. V.L Tluanga Sinate, General Missions Secretary-te chuan Feb. 20-22,chhunga neih tur Barak District Missions & Sunday School Conference, Phaitual hmuna neih chu a hmanpui ang.   

Aizawl East District: Official Programme: Feb. 22, Pathianni hmang hian District Superintendent Rev. Pc Lalnghakliana  chuan Suangpuilawnah rawngbawlna neiin hun a hmang dawn a, Feb. 21, Inrinni ah an biak in sak thar chu a hawng ang. Rev. R.Lalhawia District Secretary chuan Darlawn bial khawmpui a hmanpui  dawn a, Rev. Rosanga Kawlni District Treasurer chuan Chhingchhip Bial khawmpui, Thentlang hmuna neih chu hmanpuiin speaker-ah a tang ang. District Missions Director Rev. HL Dawngliana chuan Ngopa Bial Teikhang biak in sak thar chu hawngin rawngbawlna a nei ang.

North Mizoram District
Bial LAD Conference : Feb. 20-22 (Fri-Sun) chhung hian District chhung Pastor bial 28 te chuan bial LAD Conference an hmang dawn. Feb. 20, Zirtawp zan atanga tanin Inrinni chhunah rorel inkhawm neih niin Pathianni zanah bial inkhawmpui hi a tiak ang. District hruaitute Rev. C. Lalrammuana District Superintendent chuan Kolasib venglai bialah a hmanpui dawn a, Rev. Laltluanga District Secretary chuan Kanghmun bialah hmanpuiin Headquarters Bial Rev. Chhiarpuia District Treasurer chuan a hmanpui bawk ang.

Sunday School Hall hawng dawn: District Secretary Rev. Laltluanga chuan Bawngthah kohhranin Sunday School Hall an sak thar chu  Feb.22, Pathianni hian hawnna a nei nghal bawk ang.

District Conference tura inbuatsaih mek : Tunlai hian North Mizoram District Office Staff te District Conference vawi 65-na Feb. 26-1 March chhunga an neih tur atan inbuatsaihna nasa takin an kalpui mek. District Conference hi vawi 65-na tur niin Aibawk bial, Aibawk kohhranah hman a ni  ang.

________________________________________________________________________

MUALPUI CHILD DEVELOPMENT CENTRE HI ENG NGE!!?? - TC Vanlalruata

    Kan Kohhran rawngbawlna peng pakhat Mualpui Child Development Centre hi a hming chu kan hre fo tawh maithei a, amaherawhchu eng nge a nih a, kan kohhran rawngbawlna kawngah hian eng hna chiah nge a thawh tih erawh chu chiang taka hria kan tam vak lo maithei a ni. Thuziak thiam leh tawngkam thiam tak chu ni ve lemlo mah ila, he kan Kohhran Project pawimawh tak mai hi a chanchin kan hrelo lutuk ang tih ka hlau deuh a, ziahtur pawh tam tak awm mahse, a pawimawh zual leh kan bo lutuk loh nan tlem a zawng chauh kan thailang ve ang e.
COMPASSION INTERNATIONAL chu??
Mualpui Child Development Centre (MCDC) hrefiah tur chuan Compassion International hi kan hriat hmasak phawt a ngai ngei ang; Compassion hi Christian pawl lian tak pakhat a ni a, kum 1952 khan Everett Swanson an a lo din tawh a, khawvel ram bung 26 ah rawngbawlna an kalpui mek a ni, he pawl hi kohhran thleibik neilo, naupang chanhai leh rethei te chhanchuak tura hnathawk a ni a, khawvel ram hrang hrangah kohhran hrang hrang thawhpuiin, naupang chanhai leh rethei tak tak ten lei rem an rah ve theih nan leh retheihna ata chhanchhuan an nih theih nan hna an thawk tawp mai a a ni.

COMPASSION leh UPC
Kum 2010 khan Compassion leh kan kohhran chu indawrin, thawh dun an lo remti ta a, tichuan 2010 June thla atang khan Mualpui ah Child Development Centre hi din a lo ni ta a ni. Tichuan inremna ah chuan Compassion hnathawh dan kalphung zuiin Kohhran in Centre chu a enkawl ang a, a chhunga inrelbawl dan chu kohhran kutah a awm a, sum leh pai lam erawh chu Compassion-in a tum thung a ni. Thawktu lak leh service rules pawh kohhran lam chan a ni a, Pathian thu zirtir danah pawh kohhran duhdan in a kal a, office kalphung erawh chu Compassion tihdan zulzui a kalpui a ni.

COMPASSION leh Naupang: Compassion in a tum ber leh a ngaihpawimawh ber chu rehtheihna ata naupangte Lal Isua hminga chhanchhuah hi a ni. Compassion hi pawl changtlung leh kalphung tha tak nei a ni a, naupangte tana tha tur pawh an ngaihtuah nasa hle. Mualpui CDC a naupang register (admit) zat tur hi Compassion lamin CDC an hriattir a, tichuan CDC lamin interview leh Home Visit te neiin lak awm ni a a hriatte chu an lo register a, thil tul zawng zawng (interview,case study, thlalak etc.) tihfel anih hnuah file chu Compassion lamah kan thawn thla a, tichuan chung naupang ho chu compassion lamin sponsor tu tur an lo zawnsak ta thin a ni. Hetia naupang register tawh te hi chu Sponsor tu nei kherlo pawhin CDC ah an kal thei tawh a, sponsor tu an neih hunah Compassion lam hian CDC Staff te a rawn hriattir mai thin a ni. Sponsor tu nei tawh naupangte hian nihlawhna tam tak an nei a, anmahni sponsortute nen hian lehkhate inthawnin an inbe pawp reng a, thilpek hrang hrangte pawh an dawng thin a ni. Thilpek dawn chungchangah hian an sponsortute thilphal dan azirin a danglam thei hle a, a then te phei chuan thilpek tha tak tak an dawng fo thin reng a ni. CDC a in register zawng zawng hian sponsor tu an nei vek kherlo a, a then chuan an in register ni atanga thla reilote ah sponsor tu an nei a, a then erawh chu a din tirh atanga tun hun thlenga sponsor tu la neilo te pawh an awm a ni.

CDC Kalphung tlangpui: Sawi tur tam tak a awm a, amaherawh chu a tlangpui chauh tarlang ta mai ila,
Naupang hi tlai tin, (Thawhtanni atanga Zirtawpni) CDC ah hian an kal a, 3:30 ah tanin, nipui laiin dar 5:30 bawr velah an bang a, thlasik laiin dar 5:00 velah an bang thung. Centre ah hian thil chi hrang hrang an zir thin a, Pathian thute an zir a, an home-work leh sikul zirlai ah te harsatna an neih chuan CDC a an zirtirtuten an pui bawk a, eitur te an dawng a, zai leh lam a hun hman chang an nei a, intihhlimna hun an hmang bawk thin. Kumtin vawi 2 a thlawnin Inentirna (Health Screening) neih ziah a ni a, anmahni check tur hian CDC ah Doctor a kal thin a, damdawi pawh a thlawn vekin an dawng a ni. Natna khirhkhan deuh emaw damdawiin lam leh Doctor dang hnena Refer ngai te an awm anih pawhin an inenkawlna senso zawng zawng hi Compassion atangin a Reimburse (bill) leh theih vek a ni.
    Tun dinhmunah phei chuan Mualpui CDC hi Mizoram-ah chuan a changtlung leh tha ber te zinga mi a lo ni ve ta reng mai a, tunah phei chuan Centre ah hian naupangte tan Puanthui zirna, Football training, Taekwondo Class leh Dance class te neihpui thin an ni.

KOHHRAN HIAN CDC ATANGIN ENG NGE HLAWKNA A NEIH: He zawhna pawimawh tak hi mi hrang hrang hnen atangin kan dawng fo thin a, chhanthiam pawh a harsa angreng khawp mai. Sum leh pai ang zawnga thlir chuan he Project avang hian Kohhran hian hlawkna  a nei hran lo a; Amaherawhchu, rawngbawlna zawnga teh erawh chuan hlawkna hlir a ni thung. Naupangte hnena Pathian thu zirtir a, enkawltu leh thu tha hrilhtu mumal pawh neilo te hnena kawng dik kawhhmuh te, kan kohhran mi chauh nilo, kohhran dang naupangte leh harsa zawk leh chanchhe zawkte tana thil tha tih aia rawngbawlna pawimawh leh hlawkna nasa hi kei chuan ka hre chuang lo.
    Mualpui CDC hian fakna leh sawiselna tam tak a lo tawk ve tawh thin a, a la tawk zel pawhin a rinawm, rawngbawlna kan teh dan a inan loh avangte pawh a ni ang e, harsatna hrang hrang tawkin Pathian zarah tluang takin a la kal ve zel  a ni.

    Ziah tur tam tak la awm mahse, hmunin min daih loh avangin hun dangah chhunzawmna te pawh ziak leh zawk ila a tha ang e. Chhiartute Lalpa’n malsawm che u rawh se.

15th FEBRUARY, 2015; VOL. XIX, ISSUE NO. 7

AIZAWL EAST DISTRICT PYD INKHAWMPUI SAILULAK-AH HMAN MEK A NI
Aizawl  East District PYD inkhawmpui vawi 21-na chu February 12(Thurs) khan Sailulak, E.Lungdar Bialah hman tan a ni a. He inkhawmpui hi Rev. R.Lalhawia, District Secretary chuan Ninga zan khan Pathian hnenah hlanna neiin a hawng a. Bial hrang hrang hnen atangin report ngaihthlak a ni. He inkhawmpui thupuiah hian “Lo danglam zawk tawh rawh u” (Rom 12:2) tih hman a ni a. Speaker hrang hrang hnen atangin Sermon ngaihthlak thin a ni a. Zirtawp Chawhma lamah Pandal-ah rorel inkhawm neih a ni a, Inrinni Chawhma lamah Fellowship, Pandal-ah nei lehin he hunah hian mal zai leh zaipawl zaite hmanga Pathian fakna hun hmangin Drama (lemcham) te pawh entir a ni. Chawhnu lamah Playground No 2-ah tawngtainaa Pathian hnena inhlanna hun hman a ni. District PYD Khawmpui na atan hian Pandal Ft 115X70-a liana sak niin mipui 2,000 vel leng tura beisei a ni. Aizawl  East District chhungah hian Bial 28 awmin, PYD member hi 5000 dawn lai an awm a ni. Vawiin ni 15 (Sunday) zanah hian a tiak ang. Vawiin-a hun hman dan tur chu hetiang hi a ni:

PATHIANNI CHAWHMA
Chairman    : Evan. Laltlanhlua Hnamte, President Dist. PYD
Doctrine Sawirual    : Jeho Lalchawimawia Pre. ,Zohmun Bial
Sunna        : Rev. Rosanga Kawlni, District Treasurer
Sunna hla    : Ka buaina ram thlalerah hian
Sermon    : Rev. PC Lalnghakliana, Dist. Superintendent
Thupui        : “Kohhranah”
Thawhlawm    : Missions Pual
Zaipawl    : Serchhip Bial,
          Champhai  Bethel Bial,
          Bazar Bial
Solo        : Laldinpari, N. Vanlaiphai Bial
          H. Lalrinawma, Upper Republic Bial
 

PATHIANNI CHAWHNU
Chairman    : Bro. Vanlalnghaka Chawngthu, Secy. Dist. PYD
Appeal-na    : Upa J.H Rozawna, Vice President Dst. PYD
Thupui        : “Thil pekah”
Thawhlawm    : District PYD Pual
Zaipawl    : N. Vanlaiphai Bial,
          Upper Republic Bial,
          Zemabawk Bial
Solo        : Male Voice, Bazar Bial,
          Melody Nuzawni, Bethlehem Bial
          Ramluahpuii, Darlawn Bial
          Joint Choir

--------------------------------------------------------------------------------------------------------------------------

BETHLEHEM BIAL CONFERENCE VAWI 33-NA THUREL CHHUAH TLANGPUI

Tunkar liamta a 6th- 8th Feb., chhung khan Bial khawmpui chu Bethlehem Vengthlang Biak In-ah Pathian Thlarau Thianghlim hruaina hnuaiah tluang tak a hman zawh a ni a. Kohhran hote kan hlim hle a ni. Tin, 10th Feb, (Tuesday) hmang khan Pastor Quarter ah Kum 2015 Bial Board vawi 4-na neih a ni a. Chuta an thu pass tlangpuite kan han tarlang ange:

Sawmapakhat hmuh zawng zawng        : Rs. 24,67,156.00
Kum 2013 khumna                : Rs. 426319.00
Buhfaitham hmu zawng zawng        : Rs. 1,79,855.00
Kum 2013 khumna                : Rs.    39,305.00

BIAL SUM DINHMUN
Kum 2013 hman bang                : Rs. 3,62,266.00
Kum 2014 a lakluh zawng zawng        : Rs. 3,81,079.00
Belhkhawm                    : Rs. 7,43,345.00
Kum 2014 a hmanral zawng zawng        : Rs. 2,64,954.00
Hmanbang                    : Rs. 4,78,391.00

THU REL CHHUAH TLANGPUITE:
1) Kum 2016 Bial Conference chu Bethlehem veng Biak Inah nghah a ni. A hun atan Dt. 12th-14th February, 2016 a ni ang.
2) Kum 2015 Missionary Day lo awm tur chu Bialin a huhova hman a ni ang.
3) Bial PYD Zaipawl chu Kohhranpui kutah a awm tawh ang.
4) Kum 2015 chhungin Bial chhungah Financial Campaign neih a ni ang.
5) Kum 2015 Bial Fund atan Rs. 10000/- budget siam a ni.
6) Kum 2015 Joint Revival Fund atan Rs. 5000 siam a ni.
7) Leithum rawngbawlna atan Rs. 50,000/- Budget siam a ni.
8) Bial Library tihchangtlunna atan Rs. 30000/- budget siam a ni.
9) Pastor Quarter sakna atan Rs. 2,00,000/- budget siam a ni.
10) Kum 2016 Bial Conference Fund atan Rs. 8000/- budget siam a ni.
11) Kum 2015 hmang hian Seminar cum Training buatsaih a ni ang. Subject atan Leadership leh Account vawn dan a ni a. Resource person atan  Rev. JH Zahluna leh Evan Lalramzauvate ruat an ni. Tin, seminar atan hian Rs. 2000/- budget siam a ni bawk.
12) Bial PYD Zaipawl chu kum 2015 budget atan Rs. 10,000 dah a ni.


BIAL ZAIPAWL FORM CHUNGCHANG
Bial conference Rorel thu pass angin Bethlehem Bial PYD Zaipawl chu Bial Kohhranpuiah a awm tawh dawn a. Bial PYD Zaipawl ni thin chu Bethlehem Bial Zaipawl alo ni dawn ta a. Bial Board-in ngun taka an ngaihtuah hnu-ah hetiang hian hruaitute O.B leh Conductors-te (form) ruat an ni.

Chairman        : Evan K. Lalhmingmawia, Bial Secretary
Vice Chairman    : Bro. Lalthansanga Colney
Secretary        : Bro. Lalfakzuala (A faka)
Treasurer        : Sis. K. Lalthawmmawii
Conductor        : Bro. Lalhriatpuia (Sena)
Asst. Conductor    : Bro. JH Lalhuansiama

* Zaipawl member turte chu O.B te’n lo ruat se, chung an ruatte chu Bial Board in pawmpui (Approve) leh nise ti-a thu pass a ni.

---------------------------------------------------------------------------------------------------------------------------

TUALCHHUNG

LALLIANA GROUP HRIATTIRNA
Lalliana Group-te tunkara pickle zuara kan hnatlanna-ah tlawmngaia minlo dawrtute zawng zawng chungah lawmthu kan sawi a. Lehkha chhia khawna hnatlan leh tum a ni a. A nei chuan lo dahtha turin kan ingenin kan inhriattir lawk a ni. Thlathar ve leh pickle zuara hnatlan leh tur anih avangin memberte tlawmngaih chhuah leh turin kan inngen a. A hun chu la inhriattir leh tur a ni e.

DAMDAWI-INAH AWM
Upa F. Lalrova chu a thinah bawk a awm avangin tunah hian Care Hospital-ah enkawl mek a ni a. Dam tha taka alo chhuah leh ngei theihna turin Kohhran hoten i tawngtaipui ang u.

CHALLIANZIKA GROUP HNATLANG NEIH A NI
February 10, Thawhlehni zan khan Challianzika Group-te chu Group leader Bro. Lalduhzuala-te insakna tur balu thiara hnatlang neih a ni a. Hnatlanga thawkchhuak zawng zawngte chungah hruaitute chuan lawmthu an sawi a ni.

LOCAL LICENCE NEI THAR
Bro. Joseph Lalremruata s/o Upa Vanlalbela chuan tun tum Bial Conference a local licence a dil angin lungrual taka pawm a ni a. Amah hi OTS graduate anih tawh mai bakah mifel tak leh rawngbawltui tak anih avangin Bial Board chuan District Board-ah recommend chhoh nise tiin an rel a ni.

======================================================================

GENERAL NEWS

General Hruaitute Programme : Rev. V. L Dika Sailo, General Superintendent leh Rev. R. Lalrinsanga, General Treasurer-te chuan Feb.9, Thawhtanni khan Tripura hmuna Darchawiah rawngbawlna neiin an zin chhuak a, February 11, Nilainiah Aizawlah kirin February 16, Thawhtanniah Project Director Meeting, Puri Odisha hmuna neihah telin hun an hmang leh ang.  Rev. Z ohmingthanzama, General Missions Director chuan Assam Missions Field Conference, Tadunia hmuna Feb. 13-15 chhunga neih tur chu a hmanpui dawn a, Guwahati- leh N. Bengal & Sikkim Missions Field-te tlawhin  Nandala hmuna biak in sak thar a hawng nghal ang.  Rev. R. Laichhingpuia, General Sunday School Director chuan Feb. 15, Pathianni hian Republic vengthlangah rawngbawlna neiin hun a hmang ang.

General Headquarters hmunhma a danglam chak  : General Headquarters  building-sak leh a hmunhma siam rem hna chu chak taka thawh kalmek
a ni a, ahmunhma pawh a danglam chak hle. Motor kawngpui atanga Office compound-a luhna tur motor kawngpui siamthat hna thawh pawh zawhfel thawkhat tawh a ni a,  blacktop hna zawhfel tawh niin office kawt zawl zau nuam tak pawh a pumpuia black topping tura ruahmanin thawh kalmek a ni bawk. Kum 2016 General Conference host tu tur General Headquarters-a nih avangin a thlenna hmun tur atana hual lawk a ni. Office pawh luah luh theih thuai tura hmalak mek niin rawnghnawih leh siamrem hna thawh mek a ni bawk.

Compassion Center Project Committee (CCPC) te’n meeting nei:Kolasib Khuangpuilam hmuna ASC Home leh Susane Down Boarding School (SDBS) te chungchanga rorel khawl CCPC meeting chu February 13, Zirtawpni khan Kolasib Khuangpuilamah neih a ni a, member-te an kal kim. Meeting hi Rev. V.L Dika Sailo, General Superintendent chuan a kaihruai a, Home leh School chungchanga thupawimawh tak tak an ngaihtuah.

====================================================================

THUTAKA TIHTHIANGHLIM - Varhlunkima

“Anni chu thutak in tithianghlim rawh, I thu chu thutak  a ni” Johana 17:17
    

 Isua Krista khawvela a lenlaia a zirtirte hnena a thu hnutchhiah ropui tak chu “Thlarau Thianghlim lo thlen tur thu” a ni. Khawvela Krista rawngbawlna chu hun ruat chhungte chauh a ni a. A zirtirte hnen ata a la kal bo dawn a ni tih kha Isuan a hriat chian em avangin an mangan lohna turin “Thlamuantu” tirh a tiam a. Chu thlamuantu chu “Pa Thiltiam” a ni a ti bawk a (Lk 24:47;TT 1:4). Pa thiltiam, thlarau thianghlim chu a lo thlen hma loh chuan Jerusalem chhuah san lo tura thu pein a lo thlen hunah chuan thiltihtheihna an la neih tur thu nen lam a hrilh a (TT 1:4). Chu Thlarau thianghlim hnathawh ropui tak pakhat Isuan a sawi lawk chu a zirtirte chu engkim a zirtir ang a, Isuan an hnena a sawi zawng zawng chu hriatchhuah tir lehin (Joh 14:26) thutak zawng zawngah a hruai lut dawn a ni (Joh 16:13).

Thlarau Thianghlim Hnathawh:

    Thlarau thianghlim hnathawh hi sawi tur tam tak a awm theiin keimahnia a hnathawh dan a zirin sawi tur pawh a tam viau ang. Chung tam tak karah chuan pakhat han thlur bik ta ila. Thuthlung hlui zawlnei ten thlarau thianghlim Pathianin mitin chung a la leih tur hi an lo hmu lawkin an lo sawi lawk tawh a (Joel 2:28). Chung zawlnei ten thlarau thianghlim lo thleng turin a hnathawh tur an lo hrilh lawk chu “Pathian Dan thu kan thinlunga ziaha awm tur thu hi a ni” (Jer 31:33, 34; Ezek 36:25-27). Thuthlung hmasa, Mosia Dan thuthlung thute chu lungphekah leh lehkhabuahte ziah a ni a. Chu Dan chu Dan thianghliam ani a, a fel a, a tha bawk a ni (Rom7:12; 1 Tim 1:8). Amaherawhchu Dan chu tha mahse Israel fate tan chuan an zawh loh nghawngkawl lo niin (TT 15:10), Dan anchhia (Gal 3:13), anmahni dodaltu (Kol 2:14), thihna rawngbawlna (2 Kor 3:7) a chang ta hial mai a ni. Dan petu Pathian chuan a Dan siamah chuan Israelte chu an leng lo a, a thupekah te chuan an awm reng lo tih a hriatin Aigupta ram atanga a hruai chhuah nia a thuthlun ang kha ni tawh lovin, thuthlung thar siam a tum ta a (Jer 29:31). Pathianin thu a thlun chu hei a ni: “An chhungrilah a thupekte a dah ang a, an thinlungahte a ziak bawk ang” (Jer 29:33). Pathian thupekte kan zawm a, Pathian dan siamahte lenga, A thupek leh dante kan thinlunga ziaha a lo awmna chu thlarau thianghlim min pekah hian a ni (Ezek 36:27). Thlarau thianghlim zarah Pathian thute chu lehkhatui nilo, thlarauva ziak zawk, lung pheka ziak ni lo, tisa thinlung phekah zawk ziahin a lo awm ta a (2 Kor 3:3). Chutianga kan thinlungah ngei Pathian thu chu Thlarau kan dawn khan ziaha a lo awm avangin Thlarau chuan Pathian thutakah min lo hruai lut ta thin a ni. Thutaka hruai luha kan awm tawh hnu pawha khawvel mite ang leka “Tawk suh, tem suh, dek suh” in tih kan la ngai fo mai hi chu mahni ngei kan in fiah a pawimawh takzet a ni.

Thutaka Tihthianghlim:

    Pathian thutak zawma kan nun kan hman theihna turin Thlarau thianghlim pek kan ni a. Pathianin atana bungbel thianghlim ni tura min tih thianghlimna, Amaha thilsiam thar kan nihna chu Thlarau thianghlim kan dawn hi a ni. Amaherawhchu Thlarau pawlna nasa takin chang mahila Pathian thutak/thu kan ngaih pawimawh loh a Pathian thutaka hruai luha kan awm loh chuan serh hran kan nihna te leh kan thianghlimna hi hmuh tur a awm lo a ni. Miin Pathian thutak a ngaihsaka Pathian thu a nun kaihruaitu, a ke atana khawnvar a kawng atan eng (Sam 119:105) a hman chuan nun thianghlim a neiin Pathian thutak chuan a nun sual lakah vawngin a tithianghlim ta thin a ni. Pathianin Israel fate, Kanaan rama lut mai turte hnena hnam dang laka an thianghlimna a lan theihna tur leh hnam thianghlim an ni tih hnam dang ten an hmuh theihna tura a thuchah chu “a thupekte zawma a kawngte zawh a ni” (Deut 28:9). Kanaan mite chu hnam bawlhhlawh an ni a chung hnam thianghlimlo zinga Pathian tana hnam thianghlim an nihna tur leh hnam dang ten Pathian tan serhhran an ni tih an hmuh theihna chu Pathian thu/thupek a an awmna kha a ni. Krista ringtute pawh hi khawvel chhe tawh tak leh bawlhhlawh tak kara khawsa a cheng ve kan ni a. Chhuan beng tla lo leh tihmawh zinga sual nei lo leh nuntlang, Pathian fa sawiselbo kan nih theihna turin Pathian thutakah kan awm reng a tul a. Pathian thutak hian mihring a ti thianghlim thin a ni tih hriain kan Thlarau chan hian thutakah min hruai lut sela thutakah vek I awm reng ang u.

SILHFEN CHHE THEILO -- Jacky Lalruatmawia Chhakchhuak

“In incheina chu pawn lam incheina - sam phiar te, rangkachak thi awrhte, silhfena inthuamte chu - ni lovin, thinlunga mihring thuruk chu, rilru thuhnuairawlh leh nunnem, silhfen chhe thei lova inthuam ni zawk rawh se, chu chu Pathian mithmuhin a hlu em em a ni.” - I Petera 3:3,4

Rom 13:14 kan en chuan sual thlemna, tisa chaknate kan hneh theihna turin Krista a kan inthuam zawk a tulzia alo lang a. Engpawh nise, kan Pathian Thu-in Rinna chu thiltih tello chuan a thi alo tih angin, Krista-a kan inthuam angaih si chuan kan inthuam dan tur leh kan tihturte Pathian Thu-in a min hrilh chu tawite-in sawi chuah kan tum dawn a ni.

Khawvel-a kan awm chhungin inthuamna kan mamawh a. Mi pangngai tawh phawtte chu mahni tawkah lan nalh duh vek kan ni hlawm a. Kan lan nalh loh hlauvin kan sum leh pai, kan tha leh zungte kan seng fo thin. Amaherawhchu chung kan silhfente chu reilote atan chauh alo ni a. Kumin a kan thawmhnaw leite chu nakumah chuan alo chul tawh a, a thar kan lei leh thin. Silhfen chhe thei leh chul mai thei anih tlat vang a ni. Kan silhfen chhe theiah pawh nasa taka kan rilru leh kan sum leh paite kan seng phal anih si chuan engvangin nge Silhfen chhe theilo a kan inthuam ve theihna turin thahnem kan ngaih mai loh ang? tih hi zawhna awm thei tak a ni. I Petera 3:3-4 atanga kan hmuh ang hian mihring mithmuha mawi mai nilova, Pathian mithmuha kan mawi tel bawk hi alo pawimawh hle dawn a. Kan pawnlam inthuamna nalh viau thin mahse kan rilru chhungril lam Pathian mithmuha a mawi leh si loh chuan kan nalh thlawn mai dawn alo ni.

Galatia 3:27 ah chuan Krista-a baptisma chang apiangte chu Krista-a kan inthuam tawhzia alo tarlang a. Kan inbual fai a, inthuamna tur silhfen kan mamawh ang bawk hian, Krista-ah chuan Ama hminga a thihna leh thawhlehna tawmpui a Baptisma kan chhang-a kan sualnate kan tlenfai chiah hian inthuamna tur silhfen kan mamawh ta a. Chu inthuamna chu Pathian Thu-in a Silhfen chhe theilo atih- rilru thuhnuairawlhna, dawhtheihna, ngilneihna leh inngaihtlawmnate-a kan inthuam angai a ni.

Mi reng reng nungchang tha tak thuhnuairawlhna leh nunnemnate nei ang ta sela, sual ngaihdamnan a Krista-a baptisma a chan leh siloh chuan Krista-ah chuan a inthuam famkim thei dawn reng reng lo a ni tih a lang chiang hle awm e. Krista mo kan nih dawn tlat avangin, kan neih tur kan pasal tur chu kan neih theihna tur chuan silhfen kan mamawh a, he khawvel silhfen hlui leh chhe mai theite chu nilovin, Krista-a kan inthuamna Silhfen chhetheilo ngei chuan kan inthuam angai dawn a ni. Kan thiante emaw, midangte kan hua-a, dawhtheihna kan neihloh a, thuhnuairawlhna leh inngaihtlawmna kan tlakchham chhung chuan kan pawnlam inchheina chu mawiin lang mahse, Pathian mithmuhah chuan mi bawlhhlawh mai kan ni dawn alo ni. Silhfen chhe theilo chu inbel ngei thei turin tan ila sauh sauh ang u. Lalpan malsawm rawh se.

“Chutichuan Pathian mi thlan, mi thianghlim leh duhtakte angin lainatna thinlungte, ngilneihnate, inngaihtlawmnate, thuhnuairawlhnate, dawhtheihnate chuan inthuam rawh u, tupawh tu chungah pawh thu pawi nei ang ula indawh tawnin inngaidam tawn ula; Lalpa chuan a ngaidam che u ang tak khan inngaidam ve rawh u.”    -    Kolossa 3:12,13

--------------------------------------------------------------------------------------------------------
                                           

8th FEBRUARY, 2015 ; VOL. XIX, ISSUE NO. 6

BETHLEHEM BIAL CONFERENCE HMAN MEK A NI

Bethlehem Bial Conference chu Zirtawp zan atang khan Bethlehem Vengthlang Biakin ah hman tan a ni. Khawmpuiah hian speaker bik nei lovin mi hrang hrangte hnen atangin Pathian thu ngaihthlak thin a ni a, Malzai leh Zawipawl rawngbawlna ngaihthlak thin a ni bawk. Zirtawp zanah Tualchhung leh Bial Department-te hnen atangin Report ngaihthlak a ni a, Upa F. Thawmliana’n Pathain thuchah a sawi bawk.
    Nimin Inrinni nileng khan Rorel inkhawm neih a ni a, Treasurer hnen atangin Financial Report ngaihthlak a ni bawk. Zan lamah Thu leh hla nen khawmpui hi hman chhunzawm a ni a, Rev. JH Zahluna’n Pathian thuchah a sawi a, Sis. Lianthangpuii hnen atangin zai mawi tak ngaihthlak a ni bawk.
    Vawiin Pathianni nileng hian khawmpui programme hman chhunzawm leh a ni ang a, zanin hian a tiak ang.
    

Vawiin inkhawm programme chu hetiang hi a ni:
PATHIANNI CHAWHMA
    Chairman    : Rev. Ramtharpara
    Doctrine    : Upa F. Zoramthanga
    Tantu        : Sis. R. Lalsangpuii
                       Bial LAD Secretary
    Solo        : Sis. Laldinthari
    Thusawitu    : Rev. Ellic Hnehzova Fanai
PATHIANNI CHAWHNU
    Chairman    : Rev. Ramtharpara
    Tantu        : Bro. H. Laldanmawia
                       Bial PYD Treasurer
    Zaipawl    : Bial PYD Zaipawl
    Thusawitu    : Evan. Lalramzauva
PATHIANNI ZAN
    Chairman    : Upa F. Thawmliana
    Zaipawl    : Bial PYD Zaipawl
    Report        : Bial Secretary
    Thusawitu    : Rev. Ramtharpara

---------------------------------------------------------------------------------------------------------------------------

JUNIPER DARH ZAU ZEL
Juniper chuan hma a sawn ve hret hret zel a, tlang hran leh mual tina kan unaute tan pawh Juniper chu chhiar theihin a lo awm ve ta. Facebook Bethlehem PYD Group ah .pdf file in dah thin a ni a, juniperbpyd.blogspot.com ah hian engtiklai pawha chhiar theih a ni bawk e. Hmun hrang hranga kan unaute, Article emaw, thu chhuah tur nei tan te, comments leh juniper chungchanga sawi duh nei tan pawh juniperpyd@gmail.com ah engtiklai pawhin e-mail thawn theih reng a ni bawk e

-------------------------------------------------------------------------------------------------------------------------

TUALCHHUNG CHANCHIN LAWRKHAWM 

** Upa K. Lalbiakthanga chu Vaitin-ah Bial khawmpui hmangin a cham mek.

** Sis. Melody Nuzawni pawh Bilkhawtlir Bial khawmpuiah Zai rawngbawlna a neiin khawmpui a hmanpui.

** Church Board chuan Thuhriltu rawngbawlna chanvo nei thei turin Bro. B. Laltanpuia leh Bro. Varhlunkima-te an lathar.

** Bro. R. Lalngaihzuala-te chhungkua lawmthusawina ni atan Dt.3.4.2015 (Good Friday) a ruat a, Programme kimchang chu hun dangah ngaihtuah that leh a ni ang.

** Naupang Sunday School zirlaibu lei duh tan Vawiin hian a lei tan theih ang, Beginners zirlaibu Rs.50/- a ni a, Department dang zawng chu Rs.40/- a ni e. Lei duh tur te chuan pawisa ken nghal tur a ni. ---------------------------------------------------------------------------------------------------------------------

LOCAL PYD EXECUTIVE COMMITTEE NEIH A NI. 2015 BUDGET ATAN Rs. 163,800/

    Dt.5th February 2015, Ningani zan khan Local PYD Executive Committee neih a ni a. Chuta thurel pawimawh zual memberte tana hriattur pawimawh te:

1. Kum 2015 Budget Estimate
    Income - 163,800
    Expenditure - 163,800

2. Kum 2015 chhung hian PYD inkhawmah vawi li (4) thawhlawm thawh tam zan hman a ni ang.

3. Kan project AMPLIFIER tuak nan nikum a ASC home tanpuina, inkhawm ban apianga thawhlawm kan thawh thin ang khan kuminah pawh neih a ni leh dawn a. Member ten thahnem ngai taka thawh thin turin kan inngen lawk a ni. Febuary ni 9 atanga tan nghal tur a ni. Thawhlawm khawn hi Usher apiangte kutah dah a ni.

4. Sum tuak nan Tun thla ni 20 hian Vawksa rep zawrh a ni ang.

5. Nikuma kan lo tih tawh angin Executive Committee Member chin ten sum tuak nan Talent tihpun a ni leh dawn a, hei hi March thla hmaa Local PYD Sum kawltute hnenah thehluh vek tur a ni.

6. PYD Dan leh hrai en nawn a ni a, siamthat ngai laite siamthat nghal a ni. Dan te hi a tam thei ang ber Member-te hriat tura chhiarchhuah thin a ni ang.

7. Zan lama Music Zir emaw Play thinte reng rengin Dar 10 hnulamah tihrik tawh loh tur a ni. Tul bik thila hla zir ngai ngawih ngawih te an awm a, an tiri a nih pawhin thenawm khawvengte tana bengchheng khawpa tihrik loh tur a ni.

8. Music Instrument khawih hun bi ruat a ni dawn bawk a ni.

9. Member Budget estimate sa chu thlir ho a ni a, siam that ngaite siamthat nghal a ni.

-----------------------------------------------------------------------------------------------------------------------

CHALLIANZIKA GROUP TE DAWR VEK ANG U
Challianzika group chuan kumtluana sumtuakna atan ‘Volvoline’ company siam Car, Bike, Scooty etc. engine oil zawrh kan tum a, a mamawh chuan khawngaiha a hnuaia Phone Number tarlan ah hian lo call mai turin kan ngen a che u.

Lalchhuanawma            Lalduhzuala
   Secretary                         Leader
Ph: 8730926437              Ph: 9856108447

--------------------------------------------------------------------------------------------------------------------

B. Th. ZIR DAWNBro. H. Lalrinfela S/o Tirhkoh Ramthara chu Calvary Bible College, Shillong -ah Bachelor of Theology a zir dawn a. Pathian kaihhruaina hnuaiah tluang tak leh tha taka a zir ngei theihna turin Kohhran hoten kan tawngtainaah i hre reng ang u. A kal zelna turah Juniper Editorial Board chuan duhsakna a hlan e.

--------------------------------------------------------------------------------------------------------------------

District PYD khawmpui inbuatsaihna kal mek
    District PYD Khawmpui Vawi 21-na,  Feb. 12-15. chhunga neih tur atana athlengtu tur Sailulak (E.Lungdar Bial)  te inbuatsaihna chuan a vawrtawp a thleng chho ta. Inkhawmpuina tur Pandal pawh sak zawh tawh niin mipui 2,000 vel leng turin Pandal hi 115x 70 feet a liana sak a ni.
    He khawmpui-ah hian “Lo danglam zawk tawh rawh u” (Rom 12:2) tih thupuia hmangin Speaker hrang hrang: Evan Hrangliankhuma, Chakma Missionary,  Rev. HL Dawngliana, District Missions Director, Rev. Pc Lalnghakliana, District Supdt., leh Evan Laltlanhlua Hnamte, District PYD President ten Pathain thuchah an sawi \hin dawn a ni.
    He inkhawmpuiah hian Zirtawpniah Pandal-ah rorelna hun neih a ni ang a, Inrinni Chawhma lamah Pandal-ah bawk Fellowship-a hun hman tur niin Inrinni chawhnu-ah Sailulak Playground No 2-ah \awng\ai hona hun hman tur a ni ang.
    Khawmpui Organising Committee chuan Palai a tam thei ang ber kal tura sawmin  khua ala vawh deuh avangin palai kal tur ten mutbu mahni mut lumna tur keng \heuh turin ngenna a siam a ni.

-------------------------------------------------------------------------------------------------------------------------

GENERAL NEWS

General Hruaitute Programme
February 9, Pathianni hmang hian Pastor Bial khawmpui neih a ni dawn a, General hruaituten hetiangin an hmanpui ang :
Gen. Supdt. Rev. V.L Dika Sailo - North Mizoram District Headquarters bial, Mission Vengthlangah.
Rev.Lalmalsawma Sailo, Gen. Trea.- Champhai Bial.
Rev. R. Lalrinsanga, Gen. Trea. -Tlangsang Bial
Rev. Zohmingthanzama,Gen. Missions Director- E. Lungdar Bial .
 

Account Audit :
February 3-6 (Mon-Fri) chhung khan UPC General Headquarters Administration hnuaia Account hrang hrang te, Department hrang hrang leh Institutions account-te 2nd half year audit, General Headquarters Office, Mualpui Salem veng, Aizawlah neih a ni a. Auditors-te hi Rev. Ralkapkunga khiangte, Lunglei District Secretary, Rev. Rosanga Kawlni, Aizawl East District Treasurer leh Rev. C. Lalrammuana North Mizoram District Superintendent-te an ni.--------------------------------------------------------------------------------

Aizawl East District
    Bial Khawmpui hmang dawn: Aizawl East District hnuaia Bial hrang hrang te chuan February 6-8.chhung hian Bial khawmpui an hmang dawn a. Khawmpui \an zan, Zirtawp zan hian Local hrang hrangte hnen a\ang Report ngaihthlak a ni ang. Inrinni nilengin Bial chhung inawpna leh District-a lut tur agenda ngaihtuahin rorelna hun hman a ni anga zan atangin Revival-a hun hman a ni dawn. Bial tam zawk chuan he inkhawmpuiah hian Speaker-hranpa ruaiin hun an hmang dawn a; Pathianni Chawhnu-ah Lalpa Zanriah Sacrament- sema rawngbawlna neih a ni ang.
Aizawl East District chhungah Bial 28 awm mek in Bial Khawmpui hi District Hruaitute’n hmun hrang hrang-ah hetiang hian an hmanpui ang.
Rev. Pc Lalnghakliana Dist.Supdt. - Thingsulthliah Bialah
Rev. R.Lalhawia Dist. Secy - Serchhip Dinthar Bialah
Rev. Rosanga Kawlni, Dist. Trea.- Khawlian Bialah  

Dist.Missions Director Rev. HL Dawngliana-Khawbung Bialah

------------------------------------------------------------------------------------------------------------------------

KUMPUAN HUANG:

Table : ISUA HI JEHOVA A NI (1)
1. Jehova chu Engkimtithei a ni,------Genesis 17:1
    Isua pawh Engkimtithei a ni.-------Thupuan 1:8

2. Jehova chu AWMA a ni a.--------- Exodus 3:14-16
    Isua pawh AWMA  ani. ------------Johana 8:24,58

3. Jehova chu LUNGPUI a ni a.------- Sam 18:2; 28:1
    Isua pawh LUNGPUI a ni. ---------- I Korinth 10:4

4. Jehova chu Chhandamna Ki a ni a.----Sam 18:2
    Isua pawh Chhandamna Ki a ni. -------Luka 1:69

5. Jehova chu Beram Vengtu a ni a.--- Sam 23:1; Isaia 40:10-11
    Isua pawh Beram Vengtu tha;    Hebrai 13;20; IPetera 5:4
    Beram Vengtu Ropui leh Lalber a ni.

6. Jehova chu Rouina Lal a ni a, ------- Sam 24:7-10
     Isua pawh Ropuina Lal a ni.----------I Korinth 2:8

7. Jehova chu Eng a ni a. -----------Sam 27:1; Isaia 60:19
     Isua pawh Eng a ni. ---------Johana 1:4-9, 8:12; Thupuan 21:23

8. Jehova chu Chhandamna a ni a. ------ Sam 27:1; Isaia 60:19
     Isua pawh Chhandamna awmchhun a ni. --- Tirhkohte 4:10-12

9  Jehova chu lalpate Lalpa a ni a. ----- Sam 136:3
     Isua pawh lalpate Lalpa a ni bawk.--- Thupuan 19:16

10. Jehova chu Mi Thianghlim a ni a. ----- Isaia 12:6
      Isua pawh Mi Thianghlim a ni. -------- Tirhkohte 2:27

11. Jehova chu Dan min petu a ni a ------ Isaia 33:22
      Isua pawh Thuthlung Thar min petu a ni. --- Hebrai 9:14-17

12. Jehova chu Roreltu a ni a. ------- Isaia 33:22
      Isua pawh Roreltu a ni. -------  Mika 5:1; Tirhkohte 10:42

13. Jehova chu Hmasabera leh Hnuhnungbera a ni.-Isaia 41:4; 44:6,48:12
      Isua pawh Hmasabera leh Hnuhnungbera a ni.-Thupuan 1:8, 22:13

14. Jehova chu Chhandamtu awmchhun a ni a,-Isaia 43:11, 45:21;60:16
      Isua pawh Chhandamtu a ni. -------------- Tita 2:13, 3:6

15. Jehova chu Thlarau lam intur petu a ni a, ------- isaia 44:3, 55:1
      Isua pawh Tuinung lui petu a ni. --------- Johana 4:10-14, 7:38-39

16. Jehova chu Israel Lal a ni a, ------ Isaia 44:6
      Isua pawh Israel Lal, lalte Lal a ni. ---- Johana 1:49; Thupuan 19:16

17. Jehova chu Engkim Siamtu awmchhun a ni a.-Isaia 44:24, 45:8, 48:13
      Isua pawh Engkim Siamtu a ni. ------------ Johana 1:3; Kolossa 1:16

18. Jehova chu Tlantu a ni a, ------- Isaia 54:5, 60:16
      Isua pawh Tlantu a ni. ---------- Galatia 3:13; Thupuan 5:9

=======================================================================

 

RILRU A THAR PYD GROUP HMING HI -- VL Xavier Tochhawng

Kumin PYD Group hming hi engti tih a ngaihtuah chhuak nge maw an nih le? Kum kha chen kha Bible a milarte hming chawiin Group hming an siam a, tun \um chu kan Kohhran UPA mual liam tawhte hming chawi a Group hming phuah na \chang an hria hi an fakawm ka ti em a, han thailan ve hrim hrim ka chak tlat a ni.
    

Antu leh Fate rilru a tharin an lung a ti leng hle in ka ring a, chawimawina ropui tak pawh niin ka hria, hre phaklo leh an mahni pawh hre hmanlo, Member tam tak kan awm tawhin ka ring a, heng mite hi kan Kohhran UPAte zinga mithahnemngai tak takte zinga mi an ni a, Group hminga lang ve lote ai hian an tha bik chuang kherlo ang tih pawh ka ring.
    Group hming lamtawiah ti hian in hmang duh em?
        Lalliana: EL EL.               Challianzika: CLZ           RT Phunga: RTP
   
An chanchin tawi tlemte aw
    Upa Lalliana: Kum 1961 October 22 a Bethlehem Veng a UPC Kohhran din anih khan Upa hmasaber 7 te zingah telin, mi \awngtamlo tak leh Kohhran a thahnemngai tak, inpe zo tak niin Biakin pahnihna sak anih a, Biakin thiah anih pawh khan an in hi Kohhrante inkhawm nan phal takin a hman tir a ni. Kohhran hnatlang a dam phawt chuan a ngaipawimawh thei hle.

    Pa fing leh entawn tlak tak Upa Lalliana hi, kum 1961-1967 te, 1969-1976 chhung hian Upa niin Kohhran a enkawl a, kum 2001 1st June khan chatuan ram min pansan ta a ni.

    Upa Challianzika: Pa nunnem leh zaidam thlarau mi tak a ni a, lam peih tak leh thu sawi lam pawh tui tak a ni. Khawharin kal taima tak leh pa fel, a bula awm nuam tak mai a ni. Pathian \ihmi a nih angin \awng\ai taima leh Biakin ngaina em em mai a ni.
    Pa nunnem leh entawn tlak  Upa Challianzika hi Kum 1967-1968 te, 1981-2010 chhung hian Upa niin thahnem ngai takin Kohhran a enkawl a ni. Kum 2010,  24th Dec  khan a rin Isua hnen min pan san ta a ni.

    Upa R.T Phunga: Kum 1978 ah Bethlehem vengah awm \annin Kohhran a bel nghal chat a, Pathiana innghat tlat mi a ni. Inkhawm taima tak a ni a, lam leh thusawi lamah chuan a chang sang lutuklo a ni mai thei, kut a ben a, a ban a phar chhuah ve hi chuan Kohhranin an hlimpui thei viau zel. Sermon a sawi sei ngailo a, a thu sawi zan chuan \halai ten inkhawm nuam an ti deuh \hin

    Puitling Sunday School ah kum 1979 ah Superintendent a ni a, Kum 1982-1991 chhung Superintendent a ni bawk a, Kum 1995 khan Asst. Superintendent a ni leh bawk. Hriat theih china kan Kohhran a Puitling Sunday School Superintendent ni rei ber a la ni.
    Pa dik leh taima, “Ka rina chu ka hria” ti a Isua lam \ang tlat Upa RT Phunga hi Kum 1979-1997 chhung hian a phak ang tawkin Lalpa leh Kohhrante rawng a bawl thin.
    Kum 1997, 28th Oct  khan a rawng a bawl \hin, a Lalpa Isua hnenah a chawl ta.

    Remchang a awm chuan a mal mal a an chanchin kimchang leh Upa mualliam tawhte chanchin rawn ziah zel kan tum dawn nia.

    Mi dang tan inpe la an chawimawi ang ve ang che.
   

1st FEBRUARY, 2015 (VOL. XIX, ISSUE NO. 5)

NEWS  LAWRKHAWM:
** Local Sunday School Board chu tihlen a ni a, tuna Board member-te bakah Puitling Sunday School Asst. Director leh Asst. Secretary, Naupang Sunday School Asst. Director leh Asst. Secretary-te lakluh belh an ni.

 ** Puitling Sunday School Zirtirtu atan Bro. FL Ramchullova leh Bro. R. Singzathangate chu ruat thar an ni.
**Vawiin Pathianni tlai Dar 4:30 hian Local Church  Board  pum  huapin  Biakinah chawnghei \awng\ai neih a ni ang.
** Local Mission Department chuan vawiin Chawhma inkhawmah hian Mission Support
Appeal an nei ang.

--------------------------------------------------------------------------------------------------------

BETHLEHEM BIAL PYD CONFERENCE
HLIM TAKA HMAN A NI

Kar kalta Dt.23-25 January 2015 chhung khan Bethlehem Bial PYD Conference Vawi-33 na chu hman a ni a, palai an kal \ha in, thlarau lam boruak pawh a \ha hle. Ni 25,Pathianni zan khan a \iak. Khawmpui \an zan hian Quiz leh lengkhawm zai te a intihsiakna neih a ni a, Local member-te an \ang tlangin an inpuahchahna pawh a \ha thawkhat hle. Quiz leh Lengkhawm zai intihsiakna result hi khawmpui \iak zanah puan a ni a; pakhatna chu Hermon leh Bethlehem Vengthlang Local niin, Bethlehem Local-te Pahnihna an ni. Khawmpui chhung hian Speaker atan Evan Lalbiaktluanga chu rawih a ni a, ani hian - Sam 74:20 “Thuthlung kha rawn pawisa ang che” tih thupui hmangin Pathain thu ropui tak tak a sawi a ni. Speaker a \ha in a thusawi a nung thei hle a, khawmpui palai ten an khamlo hle.

Dt. 24 January 2015, Inrinni nileng khan Rorel inkhawm neih a ni a,
Rorel tlangpuite chu:
* Kum 2016 Conference chu Hermon, Venghlui ah neih a ni ang.
* 2015 hian Half Year Meet neih leh nise, Revival Programme a hman
nise.
* Bial PYD Sport neih leh nise
* Bial chhung inkantawn neih leh nise.
* Leadership Training neih tura ruahman a ni.
* Kumpuan lam hawi Film insiamsiak buatsaih tura rawtna District ah
thlen nise.
* 2015 Conference ah chuan Speaker bik neih tawh loh nise.
Malzai hrang hrang leh Special item beng lut tak tak te en leh ngaihthlak
thin a ni a, zai boruak a tha in, mipui lamin Speaker thuchah sawi ngaihthlak
nuam an ti thei hle a, khawmpui chu kham lo takin Pathianni zan khan a
tiak ta a ni.

--------------------------------------------------------------------------------------------

CHALLIANZIKA GROUP
HNATLANG NEIH A NI 

Dt. 30.01.2015 (zirtawpni) zingkarah kha Challianzika Group-te chu kan President Bro.C. Lalrammawiate School bungrua thiarin hnatlang neih a ni a. He hnatlangah hian member  10  thawkchhuakin,  member thawkchhuakte chungah hruaitute chuan lawmthu an sawi a ni.

---------------------------------------------------------------------------------------------
GENERAL NEWS
Executive Board Meeting:        
United Pentecostal Church of North East India rorelna sang EXECUTIVE BOARD \hutkhawm (Budget session) chu January 28 Nilaini dar 10:00a.m khan General Hqrs. Office Mualpui Salem vengah neih a ni a, General Superintendent Rev. V. L Dika Sailo chuan Executive Board meeting hi a kaihruai.
   
Executive Board \hutkhawmah hian kum 2015 atana District hrang hrang budget, General Headquarters Administration hnuaia Department - General Missions, Sunday School, PYD, LAD, Offset Press, Bible College, Compassion Center- budget bakah Mizoram chhung leh pawna zirna in leh Committee peng hrang hrang budget ruahman lawknate thlir a ni a; kum 2015 Budget atan Rs. 25,24,66,900 (Cheng Nuai sanghnih zanga sawmhnih pali, singruk sangruk zakua) zet a ruahman a. Mission rawngbawlna atan Rs. 1,61,39,600 (Nuai za sawmruk pakhat, singthum sangkua zaruk) dah a ni a, Sunday School pual atan Rs. 22,75,500 (Nuai sawmhnihpahnih, sing sarih sang nga) dah a ni bawk.  
    Mizoram pawn - Nagaland, Meghalaya, Manipur, Assam leh Tripura a\anga Executive Board member te pawh lokal kimin; member kimin rorel dawhkan kil a ni.
----------------------------------------------------------------------------------------------------

General Headquarters Office building : 

North East India UPC General Headquarters Office, (Mualpui Salem veng, Aizawl) sak mek chu chak taka hmalakna kalpui mek a ni a, Office-tur bik atana ruahman kawngpui an chu luah theiha peih \ep a ni tawh. Office-chhung siamrem leh rawnghnawih hnathawh mek a ni a, February thla chhung chuan luahfel hman beisei a ni.  Offset Press lam erawh chuan kum hlui lam khan an luah lut tawh. A chhawng chunglam pawh sak kal mek a ni. Motor kawngpui siam hnathawh kalmek pawh zawh fel thawkhat tawh a ni.
-----------------------------------------------------------------------------------------------------
Aizawl East District PYD Conference Vawi 21-na
Aizawl East District PYD Conference Vawi 21-na, Sailulak hmuna February 12-15 chhunga neih tur inbuatsaihna chu chak taka kalpui mek a ni. Khawmpuina atan hian Pandal pawh January 5 khan sak tan tawh niin Pandal-ah hian mipui 2000 chuang leng turin Ft 115X60-a liana sak a ni. He khawmpui thleng tur hian Sailulak khua te pawh an inbuatsaih nasa tawh hle a ni. District PYD Khawmpui denchhen hian District PYD chuan Conference Hla bu an siam a, Rs 30-in District Office-ah lei theih in a awm mek a ni.
    Aizawl East District chhungah hian Bial 28 awm in PYD member 6000 vel an awm mek a ni. 
----------------------------------------------------------------------------------------------------------
Hruaitute Programme:
District Superintendent: Rev Pc Lalnghakliana chuan Thingsulthliah Bial PYD Khawmpui a hmanpui anga, Speaker-ah a tang ang.District Secretary: Rev R.Lalhawia chuan Khawlian hmuna Pastor Lalhmangaihawma Parte te chhungkua-in Pathian chawimawina an neih turah Speaker-ah tangin hun a hmanpui ang.

District Treasurer: Rev Rosanga Kawlni chuan a lawina District Hqrs. Kohhran-ah hun a hmang ang.Missions Director: Rev HL Dawngliana chuan Bazar Kohhran-ah hun a hmang anga, Pathianni zing-ah Sunday School Zirtirna a la ang.
Lunglei District
--------------------------------------------------------------------------------------------------------
UNITED PENTECOSTAL  CHURCH  OF  NORTH  EAST INDIA  LEH UPC OF MIZORAM  INKARA THUBUAI  AWM DAN LEH HIGH COURT-IN JUDGEMENT  ORDER  A  CHHUAH DAN

Date. 30.1.2015 Zirtawpni-a UPC-NEI leh UPC of Mizoram inkara Judgement order chhuak leh thubuai kal dan tlangpui chu hetiang hi a ni:
    Hun rei tak UPC kohhran thubuai chungchanga thuremna chu Dt. 9th Aug. 2011 khan Senior Civil Judge II Court-in tichhuakin aneitu zawk tichiang lovin bungrua chu NEI-UPC leh Mizoram UPC te a sem a, Civil Judge II court-in bungrua a sem danah hian thil felhlel a awm avangin, Sr. Civil Judge hian a tuk 10th Aug. 2011-ah NEI-UPC leh UPC of Mizoram te rem tihna ve ve in UPC-NEI leh UPC of Mizoram te bungrua a sem danah tih that ngai awmte siam thain order a tichhuak leh a, appeal period ni 90 a pe bawk a, chumi order ang chuan Aizawl D.C Shurbir Singh IAS kaihhruaina hnuaiah Dt. 20th-23rd Sept. 2011 khan Court in bungrua a sem sak ang chuan Biak In leh Quarters kalhte hawnga insem fel a ni ta a ni. Court-in Appeal period a pek hun chhung a zawh tawh hnuah 10th Aug., 2011 a senior Civil Judge thuremna chu High Court ah Mizoram UPC te chuan appeal lehin, hei hi NEI-UPC lam pawhin court thuremna Judgement order Dt. 9th Aug., 2011 ami chu High Court ah appeal ve lehin, Dt. 30th Jan. 2015 Zirtawpni khan High Court chuan Judgement Order a chhuah ta a. Court thuremna chuan UPC-NEI chu thiam a chantir ta a ni.

High Court Judgement Order tlangpuite:-
(1) Kum 1995 ah khan Mizoram UPC ten UPC-NEI an chhuahsan a, Mizoram UPC an din ta a, henghote hian UPC-NEI te nen inzawmna an neih tawh loh avangin, UPC NEI bungruate reng reng chuh theihna an nei tawh lo a ni.
(2) Senior Civil Judge Court in 9thAug. 2011- a order a tichhuah ah UPC NEI Bungrua a lo sem mai hi a dik lo a ni tiin he order hi a thiat/paihsak ta vek a ni.

30.01.2015 Zirtawpni tlai vek khan High Court Judgetment Order chhuak chungchangah UPC-NEI hruaitute leh North Mizoram hruaitute bakah Aizawl East District atanga rawgbawltu pawimawh thenkhatte leh North Mizoram District Pastorte chuan lawmthu sawina inkhawm North Mizoram District Office-ah an nei nghal a ni.
---------------------------------------------------------------------------------------------------------------